الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصة وقصيدة (http://www.otaibah.net/m/forumdisplay.php?f=6)
-   -   بنات السورمان (http://www.otaibah.net/m/showthread.php?t=15105)

نديم الحرف 18-Aug-2005 07:44 PM

بنات السورمان
 
بسم الله الرحمن الرحيم
هذة قصة أحد الشعراء كان في بيته وله مدة لم ينزل إلى السوق فقال: أريد أن أذهب اليوم إلى السوق فجاء ذالك اليوم فخرج الشاعر إلى السوق وكانت مه ((وانيت)) من النوع القديم ولما وقف ولا هو جنب سيارة فخمه لها لونين واحد كذا وواحد كذا وهو جمس سوبرمان وكان مضلل من الداخل بعد ما خرج من السوق ولا البنات اللي داخله يلعبون معة يكتبون كلمات وهو يدوب يقراها مثل ((هاواريو)) وهو ما يحسب إن فيه أحد في السيارة فقال هذة القصيدة :::

يا هيه يا هل السوبرمان المظلي = شكلين لا بســــــود ولا بـــــــأحمر اللون
شكله غـــريب وموقــــفه مستقلي = متخيرينه مــــن يــــــــجي نصف مليون
مدبح مثل خرب وقــف مــــــستدلي = جوة القنوص وصــــــالع الصقر بعيون
ينزل إلا طــــق تـــــراخي وتـــــذلي = والموت في كف اشقر الريش مضمون
عبارتين وكامـــل الـــــوصــف فلي = شد الخـــواجه والكــــــــــــفرات بالون
متانـته بالكـــاندس أيــــــــــت مللي = والحجم تســـــعميه من النوع نشلون
حجـــــم المكــــينه زايــــد ومــتعلي = أربــــع ميـــاته زايـــد أربع وخمسون
قيـــــرة ثلاث تــروس والرابع اللي = مفــــهوم قــــيرة فـي يمين الدركسون
مـــاطق بالـــــهوبـــــات رمــان بلي = ولاهـــرب صوفه ولاصــــــوت بنيون
وقفت اطالـــــع منـــــــظرة جايز لي = ضــــحكت في حـــال وفي حال مغبون
وأثر الظبا مــــــــــن داخله ينظرلي = انـــــا أتـــــفرج والــــعذارى يشوفون
تباينوا بكــفوفــــــهم وكتــــــبن لي = هــــــوآريو وكـــــتابهم يـــــــوم يقرون
وأقول يا سيــــد الظبا وضحكن لي = هواريـــــو هو ويــش هو وش تقولون
قالوا وراك لكـــــتابنــــــــا ما تحلي = نــــرطن رطــــينه مــــا نباهم يعرفون
وأقول يا سيــــد الظـبا ما حصل لي = شـــــهادتك عـــــلينا وانـــا كتبي أدون
خل الكتابه بالـــــعيــــــون أرمزلي = والله علـم عـــن منـطق الأعين الخون
عينك تــــرمز لــــــي وعيني تحلي = ما فيــــه داعـــي هــــرجنا رمز بعيون
بالله يا سيــــد الــــــرعابيب قل لي = ويــــن البـــلاد الــي بها أهلك يعيشون
تفضلن يـــــــا شاطـرات أوصفن لي= الـــــــحي والشــــارع ورقـم التيلفون
قولوا لــــــوصفة يــــــا حبايب ندلي= نــــــمركم يــــــــــا زيــــن ولا تمرون

طير الهيلا 18-Aug-2005 08:31 PM

صح لسنك ولسان الشاعر والله يعينه

نديم الحرف 18-Aug-2005 10:19 PM

هلا بك ((طير الهيلا)) وما قصرت
مشكووووور...................

غشام نجد 18-Aug-2005 11:21 PM

شعر طريف وتسلم يانديم الحرف نريدالمزيد

@المورقي@ 18-Aug-2005 11:22 PM

يعطيك العافية وعساك على القوة
وصح السانك ولسان الشاعر



تحياتي

غشام نجد 18-Aug-2005 11:34 PM


منآور المورقي 19-Aug-2005 06:22 AM

خل الكتابه بالـــــعيــــــون أرمزلي = والله علـم عـــن منـطق الأعين الخون
عينك تــــرمز لــــــي وعيني تحلي = ما فيــــه داعـــي هــــرجنا رمز بعيون
بالله يا سيــــد الــــــرعابيب قل لي = ويــــن البـــلاد الــي بها أهلك يعيشون
تفضلن يـــــــا شاطـرات أوصفن لي= الـــــــحي والشــــارع ورقـم التيلفون
قولوا لــــــوصفة يــــــا حبايب ندلي= نــــــمركم يــــــــــا زيــــن ولا تمرون

.. صح لسانــه و سلمـت يمنـآآك ملاييـن ي نديـم الحـرف ع الموضوع الممتـع ..

تحياتي..

نديم الحرف 20-Aug-2005 01:06 AM

(( غشام نجد))
((المورقي))
((مناور المورقي))

الله يسلمكم يا حبايبي و ما قصرتم على كل شي
مشكورين ..........

فيصل المسعودي 20-Aug-2005 02:55 AM

تسلم يانديم الحرف


على الموضوع الطريف


تحياتي


الساعة الآن »03:42 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd