ياطير وش حدك على نافخ الكيـر= اللي على ريشك تطايـر شـراره
ياطير عـود لرجـال المناعيـر= اللي منازلهـم بـراس الزبـاره
خل الكديش بورشته يبرم السيـر= حـداد والـحـداد قلـعـة وداره
انص الرجال مدلهيـن المساييـر= اهل العلـوم الغانمـه والصقـاره
ان جيتهم في شر ياطير او غيـر= قامو معـك ماحسبـو للخسـاره
سلايل فنيتـخ وشجعـان ياطيـر= وذخر جلوي اهل الرمك والسطاره
ألاد عاصم بالمواقـف مساطير= لا جاء نهار(ن) فيه للموت غـاره
ارواحهم ترخص لفك المظاهيـر= ورجالهم كنه الـى هـاش قـاره
ربعي هل المركي سيوف(ن) بواتير= مطوعين اللـي براسـه عجـاره
وانته سلايل كاسريـن الطوابيـر= كسابت الناموس ريـف السمـاره