الهيـــــــــــــلا *** منتدى قبيلة عتيبة

- قصائد الأعضاء (http://www.otaibah.net/m/forumdisplay.php?f=10)

- - الغيبه والنميمه (http://www.otaibah.net/m/showthread.php?t=148790)

الغيبه والنميمه

توصي على اسـرارك بعـد ماكشفـت الـحـــال=تبي الـنـاس تحفـظـها وتـصـلـح لـك الـنـيــه
لـيـا كــان بـحـتـلــنــا بالاســـرار يـارجــــال=كـثـيــر الـعــرب تاكـل لـحــوم الـبشــر نـيــه
ومـن قـــال عـنـده بـيــر لـلـســر مايـنـطــال=تـرى الـبـيــر تـشــربـهـا الـدهــور السناويـه
ويـنــزل لها الـطــرقـي ولوما معـاه حــــبـال=ولوكــان بالـصــوان والـصخــر مـطــويــــه
ويـحـفـر تــراب الـبـيــر ويشـوف مابالجـال=مـن اســـرار تحت الارض لـلـنـاس مخفـيـه
يــدور تـــراث الـقــوم من ماضـي الاجــيـال=ويـكـشـف مخابـيها عـن اســنـيــن مـفـنـيــه
والاعــراض فـيهـا ذنـب ياللـي لها تـغــتــال=مـعـك كـنـهـا علكه على الـضرس والحـيـيـه
تـبـي تضحـك الاصحـاب بهـروج قيل وقــال=وتـوسـع بها مـجـلـسـك فـي داجــي الـفـيــه
وتــرا فالعــرب عاقــل وفيهـم بعــد جـــهال=وفـيـهــم قـصـيــر اذراع ماهــاش لوخـيـيـه
وتـخـيــر مـن الاشـكـال واخـتار لك مـنـزال=يـبـي ينزلـه ولـدك على الـطـيـب والـسـيــه
وقوم عـمـود البيت بالـديـن قـبـل الــمـــــال=صـلاتـك واهـل بـيـتــك عـن اللهو مـنهـيــه
ودور على المحـتـاج واحـسـن ولا تخــتـال=هـنـي الـذي قــــــدم بــــدنــــيــــاه ربــيــــه
مـصيـرك بعـد كــم يــوم عــن دارها رحــال=وعـسـى الـرب يـخـتـم لي ولك صالـح النيه

اقتباس:

المشاركة الأصلية كتبت بواسطة راشد النفيعي (المشاركة 1358586)

صح لسانك راشد
وبيض الله وجهك
صدقت فيما قلت وكتبت.
قصيده من شاعر حكيم
تحياتي

صح بدنك شاعرنا وشاعر الساحه وصل الشهيب ولاهنت ع المرور
بلغ عثمان سلامي والمنتدى بحاجتكم جميع

صح لسانك أخوي راشد ..قصيدة رائعة عن موضوع مهم يمس حياة البشر ومجتمعاتهم ..بارك الله فيك على هذا الطرح الرائع

ارحب ارحب وحياك في منتدى ربعك
وصح بدنك يالغالي لاهنت

_ صح لسانك ..

صح بدنك اخوي ماجد