محاوره بين بوش وبلير
 

--------------------------------------------------------------------------------

هذه محاوره بين الشاعرين / بوش بن بوش... وتوني بن بلير


المبتدي :- بلير

الله لايجزاك بالخير يابوش .... ورطتنا في حرب صدام ورطه
عزمتني تقول بترول وقروش.... بس الحقيقة روحتي معك غلطه

رد بوش .... خلوها

يابلير رد العلم من بوش بن بوش .... الله خلقنا للمقاريد سلطه
وأبوي عنده للجاجيل دنبوش .... كم واحدٍ شلنا فلوسه ونفطه

بلير ..... خلوها .... خلوها

أبوك والنعمين بس أنت مربوش .... تموت بالبترول وتحب شفطه
صحيح عندك مال وسلاح وجيوش .... مير أتوقع لك تدهور وسقطه

بوش .... خلوها ..... خلوها .... خلوها

يابلير كانك خفت يوم أحتمى الهوش .... حرام ماتأخذ من النفط نقطه
قبلك ترى شيراك قد راح مكروش .... شوفه يصرح كل يوم بمحطه

بلير .... خلـــوهــا

وراك ما تعطي لشيرك عرموش ..... تراه مشغلنا بشيله وحطه
وليا أنتهى موضوعنا نرسل طروش .... ونجمع المبلغ من الربع قطه

بوش خلوها .... خذ عندك

شيراك هذا عنده الفكر مغشوش .... فرط علي في مجلس الأمن فرطه
تدزه روسيا والصين ويطوش .... ومجهز الفيتو لتحقيق شرطه

بلير .... خلـــــــــــوهــــــــا

يابوش أنا مرهق وخايف ومدهوش .... وأنت تقول الحرب خدعه وخطه
أسراي وأسراك أمتلأ منهم الحوش .... عز الله أنه صابني منك جلطه

بوش ..... خلوها ... تكفون خــــلـــوهـــا

ماقلت لك كم فيه إذاعات ودشوش .... لا تكشف المعنى وأنا أقول غلطه
وان قالوا انا علوج واصحابنا جحوش .... ماهمنا الصحاف واللي يحطه




وســــــــــلامـــــــتــــــكـــــــم

فهد العصيميالف شكر ويعطيك العافيه على هالمحاوره

يعطيك الف عافيه يالعصيمي


تحياتي

يابوش أنا مرهق وخايف ومدهوش .... وأنت تقول الحرب خدعه وخطه
أسراي وأسراك أمتلأ منهم الحوش .... عز الله أنه صابني منك جلطه
يعطيك الف عافيه يالعصيمي

يعطيك العافيه اخوي

يعطيك العافيه اخوي وتسلم..........

شكركم جميعاً على المرور والمشاركه


أخوكم : فهد العصيمي ( القاسي ) سابقاً