لولا ظروفن على فرقاك تجبرني=أن كان ما غبت عن عينك ولاساعه
الظروف يازين تعرفها وتحبرني=ماكنت أقولك غير الأمر والطاعه
أنا الذي هايماً بك قبل تأسرني=وعبرت لك عن شعوراً بي تدفاعه
عن شوقي اللي بجوفي يوم يغمرني=لاشفت زولك لفتك الروح منصاعه
أقوم أرحب وأهلي كان تذكرني=وأقول نورت !!! والأنوار سطــاعه
وأفز واجلس كأنك لي تناظرني=وأنا وحيد الزمن من غير ولاعـه
وأجلس وأنا أقول ياربي يعبرني=يبشر بروحي فداه بوسط قطاعه
وأن قلتلي هيك وألا قلت تأبرني=.أقول لبيه صوتك جيت فـزاعــه
وأن قلت بدي أحسك يوم تأمرني=تأمر بحكم الملك والناس خضاعه
وأن قلت مابي... أقول الله يصبرني= ذي كلمة في حشاي تصحي أوجاعه
هذا أختصار المشاعر يوم تغمرني =في حبك اللي وصفته وصف خداعه
واللحين جاي وتقول الوقت غيرني=ما عاد أغار ولا عاد الروح نزاعه
بقول سامحك ربي يا مدمرني=ذبحتني قبل تسأل قبل مرجاعه
راجع تذكر وش اللي به تسامرني= وألا أنت هرجك على دنياك شماعه
لا تجسبنه كلاماً يا مخبرني=يمر بالي... ولا يأتي بمـرجـاعــه
تمر الأيام ما غيره مسهرني=أموت وأحياء وقلبي زادت أفجاعه
أحاول اخفي هموم بي تسطرني=عشان عينك تنام بدون دماعه
ضحيت عمري عشأنك يامصبرني=وعمري عشان العنود ازدادت أطماعه