كنا نحسب الحب يجمع له 2=والصبر بعد سنين لابد نجناه
وبين الرجا والياس ومعاند البين= ضعنا وضاع الحلم يوم/ن رسمناه
والي سكن بالقلب واسهرك ياعين=ولجله غزير الدمع حدر من اقصاه
سافر عن اديارك عصر يوم الاثنين= وانتي فقدتيهم وحنا فقدناه
سافر بعد روحي ودز العناوين= وامسيت في حيره وذقت المعاناه
والحب بين اغراب ماله قوانين= ودونه حقوق/ن للقرابه مبداه
واحذر تعدا في حدود الشياطين= الي من الجدان وصابها ابناه
تبقى قداستها حصينه كما الدين=وان عبتها كل/ن تورسلك بادعاه
وقالوا عليك اقشر وبك جن والعين= وعشر الجماعه والسعد يوم فرقاه
وان مرهم بالدرب راحوا مقفين= ولاخير في روده وزوله وملفاه
وحورية الدنيا بلاشي من الحين= والظلم ماطيقه عليها ولا ارضاه
ولاقرا قبل مانام طه وياسين=وان جاتني بالحلم يالثوب لفراه
وياحضي الاقشر وياحظي الشين= وياحظي الي شبك القلب واعناه
وياعيشتن قشرا وناس/ن قشيرين=وياوقت هد الحيل والمبصر اعماه
ابانتظر تالي حياتي من اسنين=ويالله عسى في جنة الخلد نلقاه
بعد العنا والياس نصبح عروسين= في جنة/ن فيها النفوس المنقاه

المشاركة الأصلية كتبت بواسطة ابو طارق الشمري (المشاركة 1354866) اللهم آمــــــــين شآعرنا راشــــــــد النفيعي صح لسآنك ملاااايييين ولاعــــدمنا وجووودك.

المشاركة الأصلية كتبت بواسطة راشد النفيعي (المشاركة 1354897) ارحب ثم ارحب ي فيصل فاقدينك انت وابو فهيد , عسى المانع خير صح بدنك ولاهنت