الغشيم اللي هروجه ما تسره=ما يعـرف إن الأدب ملح الكلام
لا غدا عقب الزعل قصاص جره=لا يدور فـ أي حاجه والسلام
الأثاري ما تبين وسط حره=والطليب إن خاف يسري ما ينام
والبعير اللي نقود ما نجره= بالرضا ينقاد وبليا خطام
ما تعود للنكاده والمضره=بالكرامه عايشٍ عشرين عام
يعرف إن اللي يبره ما يضره=وعارفٍ فرق الحلال من الحرام
والجنيه اللي نجيبه ما نصره=باذلينه للخوي ملح وطعام
علم اللي ما عرف خيره وشره=لا زعل يعرف حدود الإحترام
والحياه اللي تزخرف لا تغره= وإن توسد فـ الترف ريش النعام

المشاركة الأصلية كتبت بواسطة ((العضياني)) ناصر الفهد لاهنت , وصح السانك على القصيده الجزله

=وإن توسد فـالترف ريش النعام