الهيـــــــــــــلا *** منتدى قبيلة عتيبة - مثلي ترى ماعادله بالهوى شف %%% درب الهوى كله ذنوب وخطايـا

مثلي ترى ماعادله بالهوى شف && درب الهوى كله ذنوب وخطايـا

جاني وأنا ماعاد لي بالهوى شف

يباني أمشي فـي دروب الخطايـا

وأتبع سرابٍ لفنـي داخلـه لـف

عينٍ هدبها مـن سهـوم المنايـا

ناظر وأنا ناظرت وأنكفت وأنكـف

وأشتاق وأشتقنـا وجينـا ظمايـا

فرحت يومه زف لي رغبتـه زف

وهو فرح يومـي قبلـت العطايـا

مدري غرامه عف مدري ماهو عف

بس المهم إنـي عفيـف النوايـا

صرنا بعدهـا للوصـال انتلهـف

لكننـا ظعنـا بوسـط الـزوايـا

وأقفى وأنا خلفه لمحنـي ووقّـف

وبيّن طرف كفـه يخـاف البرايـا

أنا أندفعت وعانقت كفـي الكـف

وأعطيته آخر ما معي من وصايـا

ظمنتهـا قلـبٍ بعرفـه تـشـرّف

وغنا مواويـل الفـرح للصبايـا

يلعب بصندوق الحشا كنـه الـدف

وأنا أحسبنّه مـات بيـن الحنايـا

وأثره بعد دمه من الشوق ماجـف

متشرب ألوان الصـور والهدايـا

يلعب على كيفـه يحـب يتعّـرف

ويبحث عن آخر مابقي من خفايـا

إن جا عطا جيته عطايه مضاعف

أسوق لاجلـه غاليـات المطايـا

وأعطيه حب ما أنحكى ماتوصـف

ولا دارله مابيـن الألسـن حكايـا

وإن عاف عفت وقلت ياخافقي عف

من بدري أحسـن لاتعـود حمايـا

هيا معي عن كـل شـي أنتأسـف

ونطوي سجلات الجـروح العرايـا

مثلي ترى ماعادله بالهوى شف

درب الهوى كله ذنوب وخطايـا

الشااااعر / مستوووور الذوووويبي