الشاعر راشد مسعد العازمي العتيبي قصيده في الظيط
 

ياحنيف سلم لـي عــلى طـيـر حــوران***ســمــي مــن يـثــنــي خــلاف الـمغاتير

راح القديم وجــاب عــقـبه صــنــيتان***امــيــر ومــســمـن عــلــى ورثــة امـير

اســمــن عــلـى اسم وناجح له برهان***عــمــهــوج جايله فــعــول وتــقــاريــر

مــشــهـور فعـله يـوم زوغات الاذهان***رجع بها العطفه بــوســط الــمـظاهـير

من وسط جمعن كـنهـم ضــلــع ريــان***ولــيــا مـشــى عـمـهوج راحو طفارير

مــاكــن نــطـل الــزلــم فــي كل ميدان***نطل الخشب مع درب شعف ومعاصيـر

وياما طرح فالعج من رجل وحصــان***ومن ضرب سيفه يشبع الذيب والطـيـر

ومن عقب ما يبسوا وطاحن الاسـنان***ونطل الاظافر كــنهـا نطــل قــصــديــر

وهب الهوا تسمع مع الــقــاع دنــدان***تــســمــع قــريــع لــحـيـهـم والاظافير

عادات اهل عمهوج من طول الازمان***وحــظــن مــســاعــدهم بكل المحاظير

ونــهــار فــالانـصــر يصرين الاكوان***وشمر على بــرقــا تـعــيــد الـمـغــاوير

فــي كــف مـارق دون حلوات الالبان***وخلا الدمي مثل المزون الشــخـاتــيــر

وبن رشيد معــودن مــنــه حــزنـــان***وبــن طــوالــه عــد فــعــلــه بـتـشـهير

شــهــر بــهــا الـروقه كلامن بوكدان***ومن ضرب اهل عمهوج راحوا مدابير

وشــهــر هــل الـحـردا بعد فعلهم بان***الاد روق اللــي تــشـــق الــطــوابــيـر

والــجــود مــا يـنغـط من حيث ماكان***وعــمـهـوج فعــله بـان من دون تعبير

فالـترك جــايـلـه تــواريــخ واعـــلان***من كف شالح صخر الــتــرك تـصخير

مـشـهــور مـع شـالح ومارق وذيبان***ذيب السـرب حــمــاي كــل الـدواويــر

ولا دوروا تــوقـيــع لــفــلان وفــلان***اللي يــســوون الــعــقــد والــشــناكير

امارتن مــاهـيب اغــاثــه وطــلـبــان***ويـــوقـــع الاوراق ويــجــيـب تصوير

بحدب السيوف اللي يقصن الامــتان***ويضيرون اللي يبا الــكــيــد تــضــيير

واليوم في حكم الــمـعــازيـب وامـان***وراحت خــتــوم وصـدر الامر تصدير

اليوم كثرت فالــديـر مــاقـضـت شان***امارتــن مــغــار للــقــصــر والــبــيـر

وليانخيته في الــطــلــب قال من وان***وراح يــتــعــذر بــالــعــذار الـمثابيـر

ويـــامــيــر انـا بنخاك في نخوه الآن***ولاودي ابــديـــهـا لـنـا س مــغـاريـر

اللي لــيـجــات الــمــواقــيـــف تعبان***وعــنــد اللــزوم يصـفـحون المعاذيـر

واركز على الله ثــم ذرفـيــن الايـمان***انته ومثلك والرجــال الــمــنــاعــيــر

واركز على اللي عندهم جود وامكان***واصـغـي عن اللي مايعرف المقاديـر

والــيـوم ابــا جــده وابــنـخا صنيتان***الــظـيـط يــوم الـلاش يرجع مواخيـر

ولاتــصلح الـنخوه على غير شجعان***هــذا الــكــلام ومـــلـحـة العلم ياميـر


الشاعر:راشد مسعد العازمي العتيبي

قصيد جزله صح اللسان الشاعر والف نعم بالضيط يستاهلون المدح

صح لسانك واعتلا شانك