الشاعر راشد مسعد العازمي:وشعارهم مركوز فالداخليه
 

يقول من سوى كلامن على الزين***بــالـصـدق والـكذبه ماتكتب عليه

اقصد وعبر عن عيال السلاطين***اهل الشجاعه والكرم والــحــمـيه

نفخر بطرياهم على العسر واللين***شيوخ طلحه مــن عـلى الجاهليه

اقصد محمد ذخر حام الــمــتـلين ***الرجل منهم ينـحسب عن سريه

اللي ليا مالوا بوسط الــميــاديـن***تــنــومــسو بـالــشــيخ ولا حليه

ويوم الدفينه فـزعــتـن للرباعين***لانن جا للــعــج والــمــلــح فـيـه

تماوجوا في الصمد هم والقحاطين***لآن اكسروهم كـــســرتن عالميه

لآن ذهبوا والخيل راحة حـراثين***والصمد سمي باسم هاك العشيه

عادة هل الحردا عداة الـمعـادين***ريف الصديق وللــعـدو سم حيه

ولربع تعدل مثل عدل الـموازين***ماقال هذا اقــرب وهــذا شــويـه

امـــارتــن لـهـا قــديـمه وتثمين***ما هــيـب امارة سايقين الخشيه

اللي على ختمه يسوق الملايين***ويجمع الاصوات وهــيه خــطـيه

خل الاماره لهلها ياغشــيـمـيــن***وان عودت للفعل رحتوا ضحيه

للي لهم تاريخ يوم اول الــحـين***وابــوانــكـم تـحـت ذراهم رعيه

واليوم عشتو مثل نبت البساتين***اللي على جال الــعـدود الـرهيه

والله يــعــز الـحـكم ويثبت الدين***اللي جعل كل العرب بــالـسـويه

ولا الاماره واســمـهــا للقديمين***ماهيب للي خـتمهم بــالــهـويـه

حتى هل العوجا لهم مــستقرين***واشعارهم مــركــوز بـالداخليه


الشاعر الكبير:راشد بن مسعد العازمي العتيبي