ياليتني في عالية نجد سجيت
 

ياليتني في عالية نجد سجيت
في ديرت(ن) بين الجحادر وبرقا

غرب(ن) من الزيدي بذيك السباريت
ومن جفرة الصاقب على الوصف
شرقا

مادوجو فيها العصير الكواشيت
ولا حرقوا باق النفايات حرقا

يدله بها اللي في ضميره تناهيت
من غايت الوجدان مدروق درقا

ينساح بالي كل ماشفت ووحيت
معزوفت الجندب على صوت ورقا

ياما مشيت ابها وياما تحليت
اضعان بدو(ن) تيهوا كل طرقا

بدو(ن) لهم صولات في نجد يابخيت
ويفرقون مولع الحب فرقا

ماحطو اللنبات في داخل البيت
يسرق غلاهم مهجت الروح سرقا

عيد بجاد بن شده

صــح لسانك يامبدع .. على هذه الابيات الطيبة

صح بدنك يالخطيب لاعدمنا هالطله الغاليه علينا