الهيـــــــــــــلا *** منتدى قبيلة عتيبة - الضعيف اليا تردد يغني الله عن حصيله لاقعد محتار مابين الهزيله والسماني

ماخلق بالكون من مخلوق خلاقه يزيلــه
والبقى للواحد المعبود عالم كل شاني

والدهر لو طاب للأنسان لايغفل لميلـه
من صعدبه للعـــلا لابد ينزل لطمانـــي

وبالحِّيل ياللى تدرق ماتدرق كل حيلــه
المنافق ياردي العرف يفضحــه الزمانـي

والردي ليا هبا عن فعل معروف وجميلـه
مادرى إن الله يبشر من فعلهن بالحساني

ولو تهيا له مكانٍ بالرجنسي والف ليلــه
الزمـــن ماهــو مهيئله وجود ولا مكانـي

والضعيف اليا تردد يغني الله عن حصيلــه
لاقعـــد محتــــار مابين الهزيله والسمانــي