انظم الاشعار يا عمّي درر= من تبوك اللي برى بعده فوادي
في غلاك اللي ملكني من صغر=يالامير القرم ابا الراي السدادي
يعلم الخلاق ربي و يخبر=لا ذكرتك حاربت عيني رقادي
كلنا نفداك يا حر شهر=محتمي ميقافنا يوم الهدادي
نرخص الارواح دونك و تعمر= يشهد الله من عليه الاعتمادي
يا سمي العود دواس الخطر=جدك اللي فالوغى لطم الاعادي
تكتمل فيه المراجل لا حضر=ضربته في عداه مابين الثنادي
شيختة ماجابها ريال حمر=بالعنان وبالسنان و بالهنادي
لا حظر لوفان موت منتظر= كم طريح من يمينه ما يرادي
لا عصف بالخيل ما فاد النذر=سيرته تبقى بعد موته زبادي
والهنيدي باقين ذكره عطر= كاسب الناموس مع حضر و بوادي
و حي من سلطان في سر و جهر=تستلج القحص من ضرب الزنادي
و نايف الزيزوم حايز له فخر=حامي الميقاف لا نادى المنادي
و الخطل والدك ضربه فالنحر=مقدم الاخوان وبروحه مفادي
يا كعام الضد و حزام الظهر=متعبين الخيل في يوم الطرادي
يوم سج الخيل و افعال السطر=محتمين البل حلوات التوادي
اعلوات العز مشفين الصدر=ممنين ادخيلهم عن كل عادي
يا كريم النفس يا شيخ الظفر=حكمتك صمتك وفي رايك رشادي
ان حضرت بهوش نار تستعر=تفلج الاخصام ماتقعد حيادي
تفتخر فيك الشجاعه يا صقر=و تجتلد فيك القرامه يالقيادي
ان بغيت الحق فافعالك بحر=ورايتك بيضا وهذا اللي وكادي
يا عقيد فيك دين و بك صبر=متكل بالله و نور الله هادي
جعل ياعمي مايلمسك الضرر= اطلب الخالق يحقق لي مرادي
لك طلبت الله في طول العمر= من على التقوى و تبقى فالشدادي