الليل توّه ، لشاعر / احمد بن غازي
 

الليل توّه و أنا بجهاد هوجاسي
داويت جرحن عليل و زادت العلّه

من فوق زلّي على مراكي متواسي
اجابه هموم قلبٍ ما برد غلّه

متململٍ كل ما سجيت محتاسي
مدري على القاع و لا تحت في ظلّه

يلعبي الهاجس اللي ساكنٍ راسي
فيني يعقد الحبل لا ضقت و يحلّه

و يوميبي الهم لين يدمّر احساسي
و يحمّل القلب حملٍ متعبٍ شلّه

انا اشهد ان الزمن يا صاحبي قاسي
ما همّه الضيق لامن جا بخلق الله

احلامي من الزمان الشين يبّاسي
و افكاري من الهموم القشر معتلّه

وسوست والله يكافي جور وسواسي
سيفه على ارقاب خلق الله قد سلّه

ضقت و تضايقت و ازريت اشهق انفاسي
احس همي يسل القلب و يتلّه

و من فوق قسوة زماني بي قسو ناسي
كلٍ يبا البعد مير الله يسهلّه

رسمت الاحلام في صفحات كرّاسي
و بعيوني اللي تضم الدمع و تهلّه



^ و سلامتكم ..