ثلث شعب المملكه متقاعدين=والتقاعد مايجيك براس شاه
احسبو الف وتسع للاولين=دفعة اللي ثالث اقدامه عصاه
وحسبو الفين للمتاخرين=الحقيقه كلنا ضمن الرعاه
بعضنا مغير ينخى المسلمين=وبعضنا صابر على مالله عطاه
والله انا كلبونا مستحين=مانبي قدر العشاء يكشف غطاه
والله انا مانبا الخافي يبين=نطلب الله ونتحرى للغناه
لان زاد الدين فوق المستدين=واصبح المديون مصفيتن سماه
والله انا يابومتعب صابرين=مثل صبر ايوب يوم الله بلاه
وانت تقدر يأمام المسلمين=تنقذ الجايع وترفع مستواه
انت طيبك غير طيب الطيبين=وانت حبك كل واحد في حشاه
لاتخلينا ترانا مومنين=نعبد الله ونتمسك في عراه
انتحرى للفرج في كل حين=كل يوم وكل لليله في حراه
والامل موجود مع طول السنين=دام ابو متعب على قيد الحياه
الحزام اللي يسر الناظرين=والزعيم اللي محد يلحق مداه
المليك اللي على مله ودين=والكريم اللي مايستغرب عطاه

المشاركة الأصلية كتبت بواسطة فهيد الايدا المورقي (المشاركة 1340679) عبدالله قطنان القوبع صح لسانك نتمني ان يصل صوتك وينظر لحال المتقاعدين الذين افنو شبابهم في خدمة الوطن تحيتي