ماعاد لك رجلين من طمر النوازي والعدام— سفرالدغيلبي وسعيد بن زهره
 

سعيد بن زهرة
يامرحبا بضيوفنا وأخص ربعي بالسلام
اللي لهم في نجد تاريخٍ سفر مايجهله
الله يعزك ياملكنا يالإمام ابن الإمام
نزّل سفر في نجد كان منولٍ ماينزله

سفرالدغيلبي
الله يبقيكم وأنا جايٍ بحشمة واحترام
ماجيتك اتعلمني علوم الجدود الأولة
انته جنوبي فالجبل بيتك مثل برج الحمام
ماانته بداري وين نجد وكيف نجد ومن هله

سعيد بن زهرة
أنا كلامي واقعي مالك على قولي كلام
قال المثل ياصاحبي كلٍ يجازى بعمله
أنا جنوبي والجنوبي سيف قصاص العظام
وربعي تحدك من فيافي نجد ماانت بتاصله


سفر الدغيلبي
السايق اللي زوّد السرعة ولخبط فالنظام
لابد يأخذ له قسيمة لين يمشي ب امهله
اسمي واسم ربعي يابن زهرة على لسانك حرام
لايدّخل فالمرجلة من لايعرف المرجلة


سعيد بن زهرة
لاضاق صدرك يالعتيبي والله انك ماتلام
ماقومك ألا اللي دروا في وقته بن قرمله
اسمك واسم ربعك شرف واسمي واسم ربعي وسام
وان كان ترضى الكلمة اللي قلتها لامشكلة


سفر الدغيلبي
خلك سفيفة جنب لاانته لاشداد ولامسام
ثم انشد القايد من اللي من شداده حوّله
اللي غدأ لك مايعوّضه الزعل والانتقام
واللي غدأ لي عندكم هاك السنة فص ابصله



سعيد بن زهره
منزلك في وقتٍ مضى ياهيه غرب ٍ من جهام
واليوم جارك في فيافي نجد تبغى تزعله
تحمد الله واشكره واجلس على فرخ السنام
اللي غدأ لك عندنا شيٍ كبير وتجهله




سفرالدغيلبي
ياكثركم ياخفكم واخف من ريش النعام
سلاحنا بالفعل يوم سلاحكم بالطهبلة
ماعاد لك رجلين من طمر النوازي والعدام
والطرد طردٍ سرمدي من مرحلة في مرحلة




سعيد بن زهرة
ياكثرنا في عيونكم والثقل لاثار الزحام
وسلاحنا رمحٍ يصوبكم وسيف وقنبلة

الله الله

تسلم ياقاسي وصح لسان سفر شاعر عتيبه الحالي
وصح لسان أسد قحطان ابن زهره ابداع ومحاوره حماسيه


كل الود

ياكثركم ياخفكم واخف من ريش النعام
سلاحنا بالفعل يوم سلاحكم بالطهبلة


صح لسانك ياسفر واثق الخطوة يمشي ملكاً

ههههههههههههه

ماعاد لك رجلين من طمر النوازي والعدام
والطرد طردٍ سرمدي من مرحلة في مرحلة

صح لسانه يغرد خارج السرب هالدغيلبي

صحت السنتهم

صراحة ابن زهرة متطور كثير

شيخة هالمحاورة وخصمها بيت سفر

الشعر في واد وانت في واد يا سعيد


تحمد الله واشكره واجلس على فرخ السنام
اللي غدأ لك عندنا شيٍ كبير وتجهله


وش هو فرخ السنام هذي مثل رصيف الشمس



اسمي واسم ربعي يابن زهرة على لسانك حرام
لايدّخل فالمرجلة من لايعرف المرجلة


صح لسانك

سفر كان افضل واقوى من سعيد

سعيد بن زهره شاعر عادي ولا فيه الا الحماس

واذا بغيت شاعر قحطان اللي يعرف للامور القبيله عندك ابن شايق وبعده القرقاح مع اني لاحضت عليهم الابتعاد عن الامور القبيليه لان ما منها الا التعصب

ياحلووو ابيات سفر الدغيلبي حلواااااااااااه


فتل ونقض على مستوى عالي ..

فرخ السنام كلمة دارجة عند اهل الجنوب ولاهيب عندنا وهي اعلى السنام ولاتعتبر خطأ لانها من كلامهم وسعيد بن زهرة مهوب صغير سن واعتقد انه في الخمسينات