الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصائد الأعضاء (http://www.otaibah.net/m/forumdisplay.php?f=10)
-   -   عساك في الجنه مخيّر ومختار (مرثيه) (http://www.otaibah.net/m/showthread.php?t=144305)

بجاد ابوديه 23-May-2013 09:53 PM

عساك في الجنه مخيّر ومختار (مرثيه)
 
مرثية في الشيخ: عيد بن خليل بن واصل الحافي
تعودوا يمّـه على الدوم مسيار=ربعٍ يشوفونه بليا عذاريب
والمشكله كانوا قليلين وصغار=واليوم كثروا واكثر القوم به شيب
تعودوا للطيبه سر وجهار=عنده ويمّه كثروا للمراكيب
وعنه ذكروا كل الثناء بين الاقطار=وله احمدوا جيت مقام المعازيب
من عاد ياعادي يشبلهم النار؟=من بعد عنهم غاب راع المواجيب
شيخ المراجل مكرم الضيف والجار=الوافي المصدر لزين التراحيب
عيد الرفيق ليا غدت بعض الاشوار=عن حاجةً فيها كبار المطاليب
مهوب مثبورٍ ضعيّف وبوار=والا عن الواجب ليا جيته يغيب
عيد إن وصفته قلت ياصبح وانوار=يومٍ تعلى فوق رؤس المراقيب
وليا ذكرته قلت ياوجه الاخيار=ياملتقى الوافين في ساعة الطيب
عساك في الجنه مخير ومختار=ومثمنِّ مسعاك من عالم الغيب


الشاعر: بجـاد ابوديه العتيبي.

فيصل مطر 26-May-2013 06:58 PM

صـح لسـاااانكـ


الساعة الآن »04:09 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd