زول خذا قلبي غدا به نهابه = عليه بيبان الضماير مغاليق
علق ببيبان الضماير صوابه = تعليق عكفان المسامير بالخيل
انا اشهد انه صار فعله جوابه = وانه عسير ولا شبح في بالحيل
بنت الذي كم من قطيع غدا به = فوق المهار القحص وهجن مراميل
كم من قطيع يصقعه مايهابه = يلقاه في روس المظامي مقابيل

اخوي عقب انه جلس واستوى لي = وافرح ضميري والمقادير تاتيه
اخوي كنه حيد ضلع زمى لي = كل العلوم الطيبه تلقى فيه
ليته يجي بالبيع لو كان غالي = لو كان بياعه بالاثمان مغليه
دايم يبالي كل ماله ومالي = لو عندنا له مال ماهو بيطريه
ماهو بخيل لا غدا له ريالي = حنث على اللي قاضبه لين يديه
جنب طريق مهبلين العيالي = كني على حيد الجبل راقي فيه