ياعتيبه الهيلا من هذا الشاعر
 

شاعر كل ما اعرف عنه انه من عتيبه فقط


ليس بشاعر محاوره لكن نظم مصيبه ماشاء الله كنا نتناقل ابياته هنا في المنتدى ولانعلم من هو!


العام سلمنا ميات الملايين
بمزاين الهيلا ولابه نقيصه

تكفون يا عتيبه صعوط المجانين
دمعة مها ماهي عليكم رخيصه



الابل ملكناها من اول وهالحين
ناخذ على جمع القبايل زعامه

جوايز عتابه ثمان وثلاثين
عاداتنا فالمجد ناخذ سنامه”




كذآب من قال الشعر حب وجنون
واللي يقول الشاعر احساس كذاب

أنا هنا وضعي مثل ما تشوفون
نبضي شعر واكتب ولاعندي أحباب”



عيونها رصاص ونظراتها بنج
تقوى على الشاعر وتكسر بيوته

وليا مشت في مشيها كنها رنج
يوم العذارى كلبوهن تيوته


لا تعذرّب العتبان و يفور دمّي
و الله مجملّهم .. على الموقف الزين

تاخذني حميّا على عيال عمي
لو انهم مخطين .. ماهم بمخطين


والله لاسرق شعره سرق :)

وصل سلامي عليه ان جيت في بيته
قله ترى صاحبك تعبان ومسخن

وقله ترى حالته من يوم خليته
يسهر وهو ماسك الجوال ويدخن


الله يرحم الحال

عجزٺ أوصف ملامحھا وأنا شاعر
ومن يوم ماشفتھا تملاني الدھشھ

حنا عتيبه فالحروب ألعن من الڳافر
لڳن ... بـوقت الغرام قلوبنا ھشّھ

حنا عتيبه فالحروب ألعن من الڳافر

|لبيت مسكور يامحمد يمكن منك؟ ههه

شاعر طيب وابياته جميلة..لكن هل الابيات من ضمن قصائد ولا مجرد تغريدات تويترية..

امحق قصايد هذي تسمى ثفرقة مهيب قصيد

مدري هل وقع بالكسر او لا


انا كنت اسرق ابيات له شهيره منها

بشرب من الدلة ولو كانها سم
ما اهز فنجالي ولا اقول كافي
ما دامه بيمناك وتقول لي سم
بسم الله اشرب كل سم عوافي




له قصايد وله تغريدات

ردك الي قبل هذا كان في معركة عروى فلا تنهى عن خلق وتأتي بمثله

لابالله الا شاعر فحل والي يقول انه ماهو بشاعر فهو للاسف مايفهم بالشعر

بس هذا البيت فعلآ مكسور وصاحب البيوت السابقه شاعر لايمكن يمر عليه بيت مكسوور


حنا عتيبه فالحروب ألعن من الڳافر

والله مدري وش تقصد ولادري وش دخل معركة عروى بهالموضوع

انت مثل اللي يقول مايعرف غير انا:)

هذا بين عليه مبتدي وواضح من بيوته اللي حذف وهذي الموجودة هالحين

عيونها رصاص ونظراتها بنج
تقوى على الشاعر وتكسر بيوته

وليا مشت في مشيها كنها رنج
يوم العذارى كلبوهن تيوته


فيها اغلاط لان الشاعر مايكسر بيوته وان كسرها تحت اي ظرف مهوب شاعر وهو يقول يكسر بيوته
والعذارى كلبوهن تيوته وصف مهوب في محله

والمبتدين يقعون في اخطأ مثلها واكبر