مصلح بن عياد

عند من يكرمون الضيف حاضر وماضي=مرحبا عندنا ياضيف مرحبابك
والسوالف ترى فيها طوالاً واعراضي =هات علمك يابن منصور واحسب حسابك

فيصل الرياحي

والبقا عد مابين اليمن والرياضي=وإلى قبل هوش الأدب والتشابك
عندي علوما ما فيها ولا حرف فاضي= ودي أقرى كتابي وانتة أقرى كتابك

مصلح بن عياد

والله اني من الأيام ضايق وراضي= ودي أسمع جوابك ودي أسمع جوابك
أهل مكة يقولون الزعيم متغاضي =وأنت مثل الحنش سمك على رأس نابك

فيصل الرياحي

أعرف النابغة يا مقرية عكاظي=يا بن عياد ويش الهاجس الي سرابك
أنتبة للقضايا يوم سموك قاضي = اسعد الله مشيبك واسعد الله شبابك

مصلح بن عياد

راجع المحكمة وتشوف صك أعتراضي =وأبعد الداب الأسود لا يغير ثيابك
فية ناس صحاح وفية ناس مراضي =والقوانين راحت بين بنده وسابك

فيصل الرياحي

يا قلوب العرب فيها سواد وبياضي =يا منجي محمد نجنا من عذابك
ما يفيد الجميل ألا الرجال الحضاضي =يا مطر كشب وادي المجمعه ما درابك

مصلح بن عياد

رد عنا اليدين ألي تشيل المقاضي =كان تنجي الدخيل ألي وصل وألتوابك
اتصبر على الأيام والوقت عاضي = وانت يا صيف مدري وين يمطر سحابك

فيصل الرياحي

قالوا أن الابل تداحم فوق جال الحياضي =واثرك الي على رعيانها يندعابك
لو عظام الجمل فيها من الحمل شاضي= ما برك في المراغة كرم الله جنابك