السنانى والعصيمى
 

مستور
البقاياللي ترحب عن طويرق بقيت = كيف تعرف مرحبافالسنين التاليه
يامحمدوردالضاميات عدودهيت = لاتعرضها هبوب الديار الخاليه
السناني
موقفٍ غصّاب وأناوقفته وإعتزيت = والمقام يهمني والبضاعه غاليه
إرتكيت لحملك الصعب ولا ماإرتكيت = شرهة الحمّال كبرت على الجماليه
مستور
موقفٍ غصّاب وأنته متى عشت وحييت = العرب ماتلتبس بالبوس الباليه
ليت ليت وليت ماينفع الرجال ليت = من عرف طعم المراره يعرف الحاليه
السناني
قبل مايطلعلك إظفر وتدخل للكويت = المواقف غصب والمرجله متواليه
ربنا يعطي لياإنك زعلت ولا عطيت = والبعير أكبر فقيده على الجماليه
مستور
كل مايطلع حماطه نقز فيها كعيت = ياهني العالم أهل القلوب الساليه
أنت تدري عن خبر وأحسبنك مادريت = إنتبه لاتبخص الوزن والمكياليه
السناني
يفعل الله مايشاء لن زعلت ولن رضيت = مير صك الباب بالشمع ولأ قفاليه
الخبر جاني وشفت الحقايق كمبليت = من سفير سويسره لا سفير إيطاليه
مستور
نذبح الجرثوم بالقاز ولا بالفليت = لاتسلل للعرب جعلك السلاليه
يامحمد ليتهم سرحوك ولاضويت = والله إنه يخلف ويصلح الأعماليه
السناني
ياجودي رخصت حياتك وفيها ماإعتنيت = والنتيجه لرياجيل ماتنقاليه
إفديت برأس إبوزيد ولا ماإفديت = طالما إن الأرض يرجف بها الزلزاليه
مستور
إنتهيت من المهمات ولا ماإنتهيت = السفاره مادخلها ياكود الجاليه
ماعليه لوأشوفك عن الدرب إحتديت = مالكم في دار ماهي لكم منزاليه
السناني
المهمه قبلها لاضلمت ولا إفتريت = باقيٍ عشره من الهند والبنقاليه