سلام الله على الطيب كبير المعرفه واليّاء = وصله العلم مني مابقي للنفس يكفيها
عن اللي غيرها واللي بعدها لأصلها حليّاء = وانا مانيب لأيَّة واحدٍ بالناس أعنيّها
علومي زال ماجاته عليه كبودها ظمياء = ولا أعني طيبٍ واحد ولا قومٍ بأساميها
خلاصتها من الألف الطويله لين حرف اليّاء = تمثل بين راس وساس بيتٍ من مبانيها
مصادرها المعارف ماعطت لدروبها عمياء = ترد التايهه للسكة البيضاء وتعطيها
تعطر بالقوافي كل مايظهر لها طريّاء = جديد السيرة الحسنّاء بحاضرها وماضيها
وطنها موطن أمجاد العرب وفياضها ملياء = تفيض ولا تغيض من الثناء من مّد راعيها
يدي ماصافحت سفل اليدين وخلت العلياء = لاوالله فوق عن بعض اليدين ولاتماريها
ماهيب اللي يداهم من معزتهم غدت عرياء = وفيهم من مذلتهم صفاتٍ تقترن فيها
يبون من التوافه والعلوم اللي بعد هرياء = مراجل والمراجل تتعب الطيب مباديها