قصيدة نايف قزعان الحويماني
 

قالوا



قالوا كبيرة قلت فعلا كبيرة

في عقلها في ذوقها في غلاها

بالحب من بين العذارى جديرة

والاسم تزهاه الفتون وزهاها

الجادل اللي تلت الروح أسيرة

أخالف الأشوار واتبع هواها

ليت العذول يكف شره وخيره

أحيا وأموت بعدلها مع خطاها

لو خيروني في بنات الجزيرة

هي غايتي هي مطلبي عن سواها

وحالي من الفرقا تراها خطيرة

عيا العزاء يبرد لهائب لظاها

يا من يبشرني ويفرح بشيره

عن حال من حالي بحبه سباها

انا بديرة والمحبين ديرة

صابر على ميل الليال وغثاها

والوصل من دونه حباله قصيرة

وعيَا الضحاح الكبد يبرد ظماها

نايف قزعان الحويماني