| متعب ثواب الجعيد |
06-Jan-2013 10:22 PM |
ياعاذلين القلب ما عاد ينلام
يا عاذلين القلب ما عاد ينلام = خلوه ينزف لين يقضي نزيفه
كثرة طعونه لا تزيدونه اسقام = يكفيه طعنه بالسيوف الرهيفه
يكفيني اللي فات من كثر الاحلام = طويت حبلي عن حياة كليفه
اما حياة تشفي الروح وانعام = والا على ما قيل موته شريفه
صبري على جور الليالي والايام = وبرقٍ وراه اذلال ما اتبع رفيفه
اكبح جموح النفس بعقال وخطام = اموت ما احني هامتي للضعيفه
ان كان ما ارقى للطويله بالاقدام = ما ني بحاجة من يدينه قصيفه
ماهو بمثلي من تبارك بالاصنام = ولا ني براجي من زنوده سخيفه
رزقي على ربٍ بالاسرار علام = ومن دون رزقه عل نفسي عفيفه
|
