على الله يازمان ٍ ماتقدر دمعة المحروم= على الله ياطريق ٍ ماتحسب احساب خطواتي
وانا اللي كل ماسافرة عن درب الجفا المشؤوم=خذاني هاجس الذكرى وسرتني خيالاتي
هذا نفس المكان اللي جمعنا عشق باول يوم=وعانقة الفرح باول محطه من محطاتي
على روض ٍ تهبه نفحة الريحان واليشموم=قطفت احلاسنيني في ربيعه واجمل اوقاتي
اشب النار من سمره والبّد له سماه غيوم=ولافكرت في برد المكان وليله الشاتي
سبحة بغبة الاحلام واسراب الطيور تحوم=لكن مركب غرامي ماتحمل موجه العاتي
رجعت لشاطي احزاني كسير وخاطري مهموم=تركت بـ موجه احلامي وجيته بانكساراتي
اجر خطاي في صحراء المفارق والعتب واللوم=ولااذكر فالبسيطه موطن ٍ يكفل طموحاتي
سمايه مجدبه والارض فيها للجفاف وسوم=ولالاحت تباشير الامل بـ مزون غاياتي
مداراتي يسودبها ضلام ٍ بالحزن محكوم=بعد .. ماهاجرة نجمة غرامي من مداراتي
اببكيها مابانت في سماء ليل الغرام نجوم=وابرثيها على شمعة شعوري في كتاباتي
انا .. شاعر واهيم بكل وادي من شقى وهموم=ادوّر سلوتي مع زحمة آهاتي ووناتي
مشاويري بعيده مع متاهة سري المكتوم=يمر الوقت مامرة على طاريه بسماتي
على الله يالطريق اللي تخالف بي طريق النوم=ابقضي معك باقي رحلتي لين .. التقي .. ذاتي