الشاعر نايف حمود العتيبي
 

مرثية الشاعر نايف حمود العتيبي
( بعد وفاة خاله)

ثلاث ايام ماطب الكراء فالعين ياوسام
وغير النوم ياوسام حلو الزاد ماليبه
اهل الدمع من عيني وصدري كن فيه الغام
وكن الجمر في بطن القدم حافي واطيبه
على خالن عزيزن فالمراجل حطم الارقام
سنام المجد من صغره يابومتعب معديبه
تلقيت الخبر ميسم على كبدي ثلاث ارقام
لو اشرب بارد الماء مايطفي من لواهيبه
الاياوجد حالي يالسنين الي تقول احلام
ماكنه عاش فيها يوم واحد بين اصاحيبه
الايافرحت الاعداء والايافرحت الاخصام
بعد ماغاب نجم الي يفتل روس اشانيبه
اسد في هيبته في وقفته لامن وقف ضرغام
ومن حق البناخي يوم في طيبه يماريبه
الاياغافر ذنوب العباد ومنزل الالهام
عساه بجنة الفردوس مع من قبره بطيبه

الله يرحمه ويسكنه فسيح جناته

والطيب ذكره باقي لو مات