لابأس يانور البلاد وسعدها = ياماسح الدمعه من عيون الأيتام
ولاباس يافخر الديار وسندها = وياخادم البيتين ياعز الإسلام
أنته عماد الدار وأنته عمدها = يافجرنا اللي بدد إضلام الأوهام
كلٍ دعاء في سجدته لاسجدها = بأمره يزول الباس وتزول الألام
المملكه لك سيدي شوف يدها = لمصافحك ياسيدي شوق هيام
معشوقتك قامت تنقض جعدها = وتزيد لك شوقٍ على مر الأيام
الدوله اللي خاسرٍ من حسدها = ماتلفت لقزام وأصغر من أقزام
هداج تيما صادرٍ من وردها = تروي كبودٍ حدها الوقت صيام
لاباس ثم لاباس واللي بعدها = عني تناقلها وكالات الإعلام
والله لو الأم تفقد ولدها = دون الوطن لتقول فدوه وخدام
لاباس يانور البلاد وسعدها = ياماسح الدمعه من عيون الأيتام