الزلامي وابن شايق (تاريخية)
 

ابن شايق

ياماعازيب الوفاء ونتم دعيتونـا وجينـا
قبل مردود البرا يا زين مـردود السلامـي

الزلامي شاعر(ن) شايب وله حق(ن) علينا
والحقيقه كل خلـق الله يحبـون الزلامـي





رشيد الزلامي


مرحبـا والله يحيكـم وحنـا حاضرينـا
وانتبه للكلمه اللي لاحـلال ولاحرامـي

اثر في قلبك محبه من زمـان ولادرينـا
شوفلك واحد سنينك يتجهبك شرق شامي






ابن شايق


الرجـال الطيبين يقـدرون الطيبينـا
خلنا نلعب ونكسب خبرتك خمسين عامي

لاتناظر فوق وتعـد الليالـي والسنينـا
الحرامي يحسب كل من قابله مثله حرامي





الزلامي


شد حيلك وادحـم الشعاربالجنـب المتينـا
والهدف في راس ظلع(ن)مايصيبه كل رامي

والله انا مالقينا صورتك في حـرب سينـا
مير هذا الوقت جبت البندقيـه والحزامـي






ابن شايق


عيت الشاره تطيح اليـا رميتوهـا رمينـا
الطمع بيني وبينك فالـردوف وفالسنامـي

ونت لك صوره على شاطي بحر هادي ومينا
لاتلحقنـا المـلام ولانلحـقـك المـلامـي






الزلامي


ودنا يسـرون ضيفـان الكرامـه مكرمينـا
ون بغيت اكوي كويت و ميسمي فالنار حامي

عقـب ذاك الوقـت اظنـا لانبيـك ولاتبنـا
رحت مرواح الغراب الـي تقفـاه العسامـي





ابن شايق


ان رضيتوا مازعلنا ون زعلتو مارضينا
لاتخلينا نشيل الروس ونقص العظامي

فيك ثنتينن سوا والثالثه وحده وفينـا
نحمد الله ضحكت الدنيا لنا والحظ قامي






الزلامي


ياعيال العود مادون الحلـوق الا اليدينـا
مير حنا يوم شفنا العود في خشمه عرامي

من قرارة نجد سقناكم وجيتـو مقبلينـا
مادرى جنب الحصاه الا تـردون السلامـي






ابن شايق


لونعد الفعل الاول كم خذيتوا كم خذينـا
ياحليمه جوك خلان الأشده والمسامـي

يوم حولنا عليكم من يسار ومن يمينـا
رحت من نجد العذيه يالحجازي والتهامي





الزلامي


شفت ذريت حليمه يوم جوكم سارحينا
ان حييت بغبنها ون مت مانته للرحامي

ان فعلتوا شي في ذاك الزمان مسامحينا
انتبه هذا كلام المعركه ماهـو كلامـي






ابن شايق


دوروا لشيخوكم وليـا نسيتـو مانسينـا
انت مانته حامين بيض الحباري والنعامي

ان خجلتوا وستحيتوا ماخجلنا وستحينـا
اسمحو لي باتكلـم ياعزيزيـن المقامـي






الزلامي


الصحيح انا نسينا مـن حنـا فاقدينـا
تاخذ الراعي وناخذ فيه حامين الجهامي

ياله اغفر ذنبنا ان كان حنا مسرفينـا
والخطيه يوم عرضنا القحاطين المظامي






ابن شايق


كان شيخك راعين عندك شيوخك ظايعينا
انته صاحي بالسيع واحيان ياخذك المنامي

اشتكيتوا لـلشريف ويعلم الله ماشكينـا
ون ظمينا يالزلامي كان وردنـا الحيامـي



الزلامي


ياولد شايق ترى الله سامحك دنيا ودينا
ثايرن دمك من الماضي ومثلك مايلامي

الزلامي

الصحيح انا نسينا مـن حنـا فاقدينـا
تاخذ الراعي وناخذ فيه حامين الجهامي



ابن شايق

كان شيخك راعين عندك شيوخك ظايعينا
انته صاحي بالسيع واحيان ياخذك المنامي





عوافي

الفرق واضح بينهم

يعطيك العافيه

صح لسان الشاعرين ويالله اغفر للزلامي اذنب فبن شايق

نقل رائع البتار

لاهنت

لاهنت يعطيك العافيه على المحاورة الرائعة

هذا أول لقاء لابن شايق بالزلامي وصراحة محاورة رائعة ونـدية
والزلامي صنفرة بس أبن شايق كان نداً قويا في هذه المحاورة
ودائما محاورات ابن شايق والزلامي تكون حماسية ورائعة وكذلك

محمد السناني والزلامي ..


تقديري لك ......

ابدااااع وتميز من داهية الشعر ابوجميل

ومن الشاعر الكبير والمشاكس عبدالله بن شايق

وكل فيه حقه من العلوم الطيبه

رعااااك الله يالبتار

شعراء متميزين عن غيرهم والكل منهم مبدع
عوافي البتار على النقل

الزلامي احرق ابن شايق بهذا الطاروق لله درك يابو جميل ..


تحياتي