مـانـي وأنا بنـدر ببيــاع دمــــــه
 

اهديلكم هذي القصيدده الرائعه
للشــاعر بندر بن سرور القسامي العطاوي رحمه الله


يالله يـاجــال الامـور المهمــــــــه
تجلا وهـج قلب بـرا حـال راعيــــــه

البـر دجـتــه والبحـر رحـت يـمــــه
اسعـى ورى رزق عســى اللـه يهـيـــه

يــوم ان ولــد اللاش رزقـه على أمـــه
رزقــي على اللي ميـــت القشـع يحيـيـه

يــامل قـلــب كــل مـا مـات همـــه
دارت دواليــــب الدهــر ليـن تحـيـيـه

فـرَاق شــمـل النـاس عيَــا يلـمَـــه
وقــتٍ يشــيـب الرأس من شـايـةٍ فـيـه

أحــدٍ يــنام وحـط رأســــه بكمـــه
وأحـدٍ يخـــم النـوم عيــنـه وتخـطيـه

أحـدٍ يحـاول بالــردا بنـــــت عـمه
وأحـدٍ يحاول سـتـر عـذراء عـوانيــه

مـانـي وأنا بنـدر ببيــاع دمــــــه
يقطعـــك يا بيــاع دمـه ومهـفـيـه

الـلي يبـيــع لابـســـات الأزمــــه
ثـورٍ يــبا بيــض الرعـابيـب تغـنـيـه

يـزعـل ليا جــــت ليلــة الـدور يمـه
يرضـى بسـوق المـال فخـره وفـــا بيـه

خطــو البخــيـل اللـي يكبــــر معمـه
يقـرأ الكتــاب وواجـــب اللــه يخـليـه

امـــا هـــرج لـك في رفيقــه بنمــه
ولا عــطا وأمـــــه أتضيـع هقـاويـه

أنشـــدك ياللـي كــل فـرض تـتـمـه
تقـرأ الكــتاب وكل فـرض تصــليـــه

ويـش القليـب اللــي غميـــق مجمــه
مـا فـاد غـرسـه مـاه عـطـش سوانيـه

تخــالف الانظــار شـــرق ويمـــه
وكـل هـدف رآيـه مـن النـاس مرضيـه

ســمَ الســبب ياعـــارفٍ عنـه سـمـه
ســمَ الســبب ياعــارفـه قبــل أسميـه

العملاق شكرا لطرحك القيّم
والله يرحم اسطورة الشعر الشعبي ومتنبي عتيبة

البتار

لاهنت على المرور الرائع

ولاعدمناك يالحر

الباحث عن الحقيقه

يفدونك الرخوم وعيال الرخوم

ولاعدمناك يالقرم