الهيـــــــــــــلا *** منتدى قبيلة عتيبة

السلام عليكم ورحمة الله وبركاته

اعيد على الجميع وكل عام وانتم تنعمون بطاعة الله وبالامن والإيمان

أهدي لكم هذه الأبيات اللتي اعلم أنها اصغر من مقامكم ولكن تقبلوها مني كون فيها نصيحه لمستخدمي الواتس اب أسأل الله أن ينفع بها

ياللي على الواتس اب تكفون تكفون = لا ترسولون الا ثمين الكلامي

حتى جميع اصحابكم يستفيدون = وتحصلون الشكر والأحترامي

والأجر من رب السموات مضمون = للي دعاء للخير والالتزامي

والناس للي يفعل الخير يدعون = والداعية لله رفيع المقامي

وكونو من اللي بالصلاوات يحيون = اوقاتهم ويكثرون السلامي

ولقول ربي فآخر الليل يتلون = قيام وأكثر خلق ربي نيامي

يرجون عفو المستعان ويخافون = من موقف فيه الخلايق زحامي

وحذرا من اللي للمعاصي ينادون = يدعون جهال البشر للحرامي

والمرء لابده مكفن ومدفون = مادامت الدنيا لخير الانامي

وختامها ياللي على الواتس تكفون = حثو على الطاعة بكل أهتمامي