|
اقوى محاورة بين محمد السناني وملفي المورقي
محاوره قويه جدا .. في ليال المغتره اعتقد انها عام 27 او 28 ..!! من بدايتها إلى نهايتها .. بيوت قويه جدا السناني سلامي عدد نوّن برق وإنتثر ماه .. لصقرٍ تسلسل من صقور الجزيرة أنا صاحبي ملفي كثيرة مزاياه .. وقام يتفنن فالليال الأخيرة ملفي هلا مرحبا عن راعي الوجه والجاه .. إميرن عسانا ما نبدل بغيرة أقول إلك دوّر ما تريدة وتلقاه .. وياالله باللي فيه خير ٍوخيرة السناني ويستاهل إللي تفعل الطيب يمناه .. حقوقه علينا كلبونا كبيرة أدوّرك مير الوقت كثرة ضحاياه .. ولا أدري صحيبي وش نوى في ضميرة ملفي (هذا الأمير إللي طروقه مخلاه .. تجي لة خيار الناس من كل ديرة) (دخلت إلك بحر تغرق السفن في ماه .. وياقوّ صفقات البحور الغزيرة) السناني (عسى صاحبي ملفي مثل ماعرفناه .. علومه تقلب والرحى مستديرة) (هذا البحر قدامك ترانا سبحناه .. ولاعاد نبغى منك حبة شعيرة) ملفي (أبشرك يا محمد على ماتمناه .. لو إنك تناظرلك إمورٍ خطيرة) (عرفت الخبر كلة وحنا عرفناه .. ولانارد الماء بالحبال القصيرة) السناني (نعم بالشجيع إللي ليا إنا نصيناه .. يقرب دلال الكيف ويشب نيرة) (هذا الشيخ ملفي نعرف أقصاه وأدناه=يبي شيخ ويزاحم شيوخ العشيرة) ملفي (ترى ناقل المرتين يدري بمرماه .. ليا صار عنده نوع بصر وبصيرة) (ترى إللي نهوزة يامحمد وصلناه .. ماهو بأنت مثل الطير وسط الحضيرة) السناني (عسى العود الأول مانسيتوا وصاياه .. عسى حافظين الأحزمه والذخيرة) (عسى صاحبي ملفي توفق بدنياه .. وقع فالعبوس المرّة القمطريرة) ملفي (عطانا كلامٍ فالمراجل حفظناه .. هذا العلم سر ولانبيح السريرة) (محمد لقينا حاجةٍ في مصلاة .. لقينا تحت خشمه حصاةٍ صغيرة) السناني (لعلك يابو وافي تسوي سواياه .. تجمع طبول الحرب وتدق زيرة) (وملفي لقينا حاجته وسط مخباه .. يقولون شايل صرةٍ مستديرة) ملفي (ليا دق طبل الحرب حنا نصيناه=وبعض الرجال يحوس ربي مريرة) (أبا أروح لاصحابٍ ورى العيص تبغاه .. وجعل السناني يطحنه مع مضيرة) السناني (ترى الحرب ماأنته واحدٍ من سراياه .. يقولون قاد الحرب راعي عشيرة) (ترى ظلم طيب كيف ودك تعداه .. بنآدم معذب كيف يحكم مصيرة) ملفي (هذا الأسم يرفع رؤوسنا لاعدمناه .. إلة وقفةٍ هاك الليالي شهيرة) (محمد ولد متروك ما قال يفداه .. ويستاهلة ياجعل ربي يجيرة) |
لاهنت يافيصل محاورة لاتخلو من الابداع
|
فتل ونقض من الطراز الممتاز
فيصل الجهني لاهنت على النقل المميز تحيتي |
كل الاثنين عمالقه فالشعر
لاهنت يالجهني محاوره ع الكيف |
تسلمون .. على المرور ..!!
|
(لعلك يابو وافي تسوي سواياه .. تجمع طبول الحرب وتدق زيرة)
(وملفي لقينا حاجته وسط مخباه .. يقولون شايل صرةٍ مستديرة) ملفي (ليا دق طبل الحرب حنا نصيناه=وبعض الرجال يحوس ربي مريرة) (أبا أروح لاصحابٍ ورى العيص تبغاه .. وجعل السناني يطحنه مع مضيرة) السلام عليكم ورحمة الله وبركاته عزالله اني مانويت اشارك في هذا المنتدى بدون قصور في الرجاجيل الطيبين . لكن جيت بالصدف وقرأة هذه المحاوره . وشفت بيت ملفي العكسي في زاوية تسعين.. البيت باللون الاحمر. والله ماله تشبيه عندي إلا قنبلة (. هيروشيما ) يافيصل تجيب محاورات خطيره مره .. شكراً لك.... |
هلا والله سلطان البقمي .. ونورت بعد الغياب .. اللي اتمنى انه ما يتكرر
فقدنا مشاكساتك واراءك .. وحضورك ..!! اعتقد ان ملفي اعترف .. والبيت عليه ..!! |
صح السنة الشعراء
ومبدع يافيصل ولك لقب عندي طال عمرك (محامي محمد السناني ) بس اعتقد انك منت ابخص من السناني في بيت ملفي (أبا أروح لاصحابٍ ورى العيص تبغاه .. وجعل السناني يطحنه مع مضيرة والدليل رد السناني على البيت اعلاه ملحوظه : جميل انك تدافع عن من تحب ولكن لا تبخس حق الاخرين |
اقتباس:
حياك الله يا النشمي ..!! ومحمد بن متروك السناني .. ماهو بحاجة محامي .. لأن قريحته الشعريه هي من تحامي عنه في الميادين ..!! وثانيا يا طويل العمر .. المسأله .. كلها وجهات نظر .. ونقاش .. وانا ما هضمت حقوق الاخرين .. او فرضت رأيي على الاعضاء ..!! وثالثا .. تسلم على مرورك طال عمرك وشكرا :) |
لو الله يفكنا من وضع الاقواس علي البيوت كان حنا بخير تحليلكم جانب الصواب
ملفي لا عكس بيت ولا حاجة مار كلن يدني القرص لناره |
| الساعة الآن »10:15 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd