مرحبا ترحيبةٍ مكتوبةٍ مقريّة =ماتخص الاّ سنافيٍ يبا يقراها
ودي آخذ مع رجال المعرفة رديّة= والمقرّد والمهبّل لا يجي طرياها

البقا ياللي ترحب قابل الطرقية=والرسايل من جهتكم خابر(ن) فحواها
شد حيلك ماش لا رحمه ولا ماويه=والمقرد والمهبل عارفين ادواها

يبشر الطرقي بكيف الدلة البرية=وازنينٍ بنّها يالواهبي مع ماها
والله اني محتزم بالسيف والجنبية= لا تضيعك الهقاوي وانت ماتقواها

اخر الايام وش يحصل على سوريه=,والضرر ينقاس والدعوى على مبناها
يامشاري بعد عيد الفطر عيد اضحية=وانت طيب والعرب نبغا كرم لالحاها

مثل ماسوّا الشجيع بديرة الليّبية= عادة الشجعان قطع الروس من علباها
ربما ان الغلطة اللي قلتها عفوية= الضحية من نزعنا قرنها وشواها

الصقر يبقا صقر والنسر ماهو زيه=والهروج اكثار بيّن صدقها واهراها
الغلط والله من اللي يرفع الشبرية=والمواقف يالعتيبي لازم(ن) تحماها