السامي يطل علينا بسحق اشباه الرجال
 

قصيدة : شرايد الغاوين @ جديد الشاعر /حامد حمدي النفيعي @
يالله ياخالق بنادم من الطين "
ياواسع الرحمة شديدٍ عذابه"
يامالك الاملاك ياقاضي الدين"
يامكون الكون الفسيح برحابه "
تخضع لك رقاب الدهاة السلاطين"
وكلٍ تحت حكمتك يلقى حسابه"
ندعوك يارب العباد المصلين "
اللي تصلي لك خضوع ومهابه"
رحماك ياعلام سر الثقلين "
ماغير وجهك يالولي يلتجابه "
ياكثر من في غفلة العمر لاهين "
وكلٍ ورى دنياه يشعب ركابه "
ماهم بعن تسجيل الاعمال دارين"
والعمر ما يضمن ولا يندرابه "
وكثر الفتن قامت تعدى الموازين"
من كل شكل ونوع قامت تجابه"
ياسامعٍ قولي تأكد من الحين "
ان الزمان الشين كشر بنابه "
قامت تزاحف به كبارالثعابين"
وتسيد الحصني على كل غابه"
والشر والتفريق مابين الادنين "
لاعاد ابه رفقه ولابه غرابه "
الناس قامت تخلط الزين بالشين"
وكثر المصايب من خبول القرابه"
شرايد الغاوين عون الشياطين "
هملقٍ في كل حاجه تشابه "
اللي على شذب الرفاقه حريصين"
هو بالخلا لو جاه حصني غدابه "
تلقاه بين الناس يمشي بوجهين"
ولا له مع اهل الطيب والعرف جابه"
يدور الغرات عند الموالين "
خبلٍ على باب الردى فك بابه "
خله يولي يازبون المخلين "
اليا حقرته تذبحه في ثيابه "
ورافق زحولٍ بالواقف وفيين "
وجنب عن الانذال قوم الخرابه "
وخلك على ماقيل سيفٍ بحدين"
سيفٍ تعدي سلته عن نصابه "
والمعتدي رجع له الصاع صاعين"
والقاع يشبع من حصاه وترابه "
وخلك قوي عزوم بالله وبالدين "
وبالاخره فوز ونعيم ومثابه "