وجهك يروع ولا هو زين= يهجج القوم ف الساحه
ماجور عن حضرة الباقين = وارحب تراحيب فواحه

مقهور من شي علمه شين = غلطة قلم دون مساحة
للكلب ناس تقول (( آقين ))= تفرح ليا جرد نباحه

المشاركة الأصلية كتبت بواسطة مرداس (المشاركة 1323212) صحت السنتكم

الصف لا ينقسم صفين = من سبة الشيخ قرقاحه
من شفت انا الحيه ام قرين = تدور و تلف بالراحه

أهل القضا غايبين الحين = والباب مسروق مفتاحه
السوق ابه ميل قبل اسنين = والحية اليوم سفاحة

غلي الدجاج وراحو الجزلين = والوقت مايضمد اجراحه
الله على وارد الستين = يداوي الجرح مسراحه

المشاركة الأصلية كتبت بواسطة خالد سفر العتيبي (المشاركة 1323228) غلي الدجاج وراحو الجزلين = والوقت مايضمد اجراحه الله على وارد الستين = يداوي الجرح مسراحه هههههههههههه

هذي على جنبها قوسين = ماعاد تطعم لها راحة
اللي تجاوز حدود الصين = دوره ويرجع على الباحة