سهيل والثريا .. قصيدة جديدة !
 

بسم الله الرحمن الرحيم



بدون مقدمات ..~~

السلام عليكم .. واسمعوا يا أعضاء المنتدى .. !
//
//
//


ألا يا ونتي ونيت ثم ونيت عشــ 10 ـــر مرار ~~
~~~ و عشــ 10 ـــر أكنـّها ما ودي العُذال توحيهــا

وبعد العشر ســالن الدموع الصــافية مدرار ~~
~~~على الخدين يا سهيل اليمــاني كيف تحصيهـــا

على طير ٍ من طيور السما ودّع سهيل وطار ~~
~~~~ عسى ربي يسمّح طرقته والله يسويّهــــا

وبعده راحت العـَشـرَه ثمان وباحت الأسرار ~~
~~~~~ تهاون النجوم ولا بقي لي غير ماضيهــــا

إله منزال في قلبي خصوصي حشمه ومقدار~~
~~~~ وتقدير النجوم الغـــالية من طيب غاليهـــا

كرهت الصيف وقدومه بدا لسهيل جوّه حار ~~
~~~~ وعفت الدار والديرة والأرض وكل ما فيها

زمان ٍ فات أنا المعصم وهو حول اليمين سوار ~~
~~~~ أولف له بيوت الشِعر وبصوته يغنيّهــــا

أسولف له سواليف البدو وش قالوا الشعار ~~
~~~ من بيوت الغزل والطيّب يوضّح معانيهـــا

ومن شانه حبيب القلب طب سهيل في الأخطار ~~
~~~ مرار يصيبها سهيــل اليمن ومرار يخطيها

أجي للصف والطلاب قدمِي جالسين صغـــار ~~
~~~~ أدرسهم دروس النحو كاتبها وقاريهـــا

ويسألني حداهم طالب ٍ فاهم من الشطــّار~~
~~~ علامك شاحب الوجه وعيونك من مبكيّها

نسيت إنه صغير ورحت أهذري وش حصل وش صار
~~~ واهل الســالفه طقطق من أولها لتاليهــــا

وافصفص للصغار اللي حصل لو العلوم كبـــار ~~
~~~ ويبكون الصغــــار وكل عين تهل صافيهــــا

ويدرون زملايــه والمديـــر يولم الإنذار ~~~
~~~ ويكتب في الورق محضر خطايه ثم يمضيهــا

شهود المحضر معمّر والآخر صاحبي عمّار ~~
~~~ عداي اللي من سنين ٍ مضت تنفخ علابيهــا

وحتى اسمي كِتب فــ اللوحه اللي داخل الدوار ~~
~~~ ارحل .. ارحل .. ارحل .. قبل تكثر دعـاويها

أبي رأي ومشوره من رجال العرف والأشوار ~~
~~~~ قبل تكبر قضيتـنا وننشب في بلاويهــــا

أنا أواصل بعد فاصل وأكمل باقي المشوار ~~
~~~ واعد نجومنا اللي في السما واسري مساريهـا

أو إني أعلن التوبه نصوح وبعدها استغفــار ~~
~~~~ عسى يغفر ذنوب سهيل فــ أولها وتاليهــا

وأختمها بذكر الله وأبا أصل ِ على المختار ~~
~~~~ محمد سيّد العالم وهــا الدنيــا ومن فيهـــا
//
//


اللهم أصل ِ وسلم عليه وعلى صحابته أجمعين
والسلام عليكم ورحمة الله وبركاته .

منت بسهل ياسهيل

حتى طلبة المدرسه تعلمهم الغزل هههههههههه

وصح لسانك

10
ـــــ
10

تحياتي

وعشر اكنها ماودي الطلاب توحيها


صصصصصصصصصصصصح لسانك

الله اكبر
جبتها على الجرح يا سهيل
انا افداك
كفوا فوالها وتاليها

وصلت يا صديقي وصل ..

وتقييمك فخر لي وتاج وطاس على الرأس ..

وصح بدنك ولا هنت

اسجل اعجابي
وصح لسانك يالقرم

صصصصح بدنك وشكرا على مرورك

ما عليك زود

شكرا على مرورك

ولا هنت

صح بدنك ويعطيك العافية

صح لسانك واعتلا شانك ياسهيل ابيات جميله