ياسلام الله عليكم بعد غبنا ثم جينا=الضروف تحدنا لكننا نرجع عجالا
من فقدنا حسبته فالقلب ضمن الطيبينا=ومن جهلنا ماعلينا منه لو انه تعالا

ياهلا يامرحبا ترحيب مقداره ثمينا=والضروف الي عليك مقدره يابن الحلالا
كيف ما نفقد حضورك وانت واحد من هلينا=القبيله وحده والعرف ميزان الرجالا

ياعسي فيك البقاء من طيبين وغانمينا=والعتيبي للعتيبي عزوت ن في كل جالا
العرب في بعض وقت يخمها ابليس اللعينا=ياعسي ربي يعوذ الناس سبحانه تعالي

البقا لله سبحانه وحنا رايحينا=كلمتك حسب الشريعه مايجوز انها تقالا
يالعتيبي لا تغارب شئ في تال السنينا=لو تشوف الذيب في وسط الفلا خاوى الغزالا

النعم تطغي علي الانسان والشده تعينا=نحمد الله كثرت الانعام ثم صارت تتالا
العرب في وقتنا عن بعضهم مستغنينا= راحت الدنيا يسير وصارت الدنيا سهالا

تدرج الدنيا كما درج الرحاه ام الطحينا=في دوالبها نزول وفي دوالبها رحالا
يالعتيبي من يحوز المرجله دنيا ودينا=منزله فوق النجوم الي على القمه تلالا

المشاركة الأصلية كتبت بواسطة فهيد الايدا المورقي (المشاركة 1321991) عبيد العبود صح لسانك وبيض الله وجهك تصبح على خير والختام عندك تحيتي