طاروق الشاعر محمد بن فالح { بتار } والشاعر الكبير رشيد الزلامي
 

بتار

ياسلامي على الشعار واثني سلامي
فالامور البسيطه والامور العسيره
قوم واليل ليلك يارشيد الزلامي
ياتجيب الكبيره ياتجيب الصغيره

رشيد

مرحبا وكتب اسمك مع كبار الاسامي
لين تدري بك الشعار في كل ديره
مايقص الحرامي غير واحد حرامي
وانت ماتستطيع تحطهم في حضيره

بتار

انت ضابط على الميدان في كل عامي
والعساكر يمينك وانت قايد مسيره
عقب دور السيوف الي تقص العضامي
ماغدا للعرب مثقال حبة شعيره

رشيد

انتبه لاتعرض للخطر والمضامي
تدري ان الدروب الطوال ماهي قصيره
كان ودك تطب السوق والسوق حامي
خل عندك يابن مسعر سلاح وذخيره