انصحك لارافقت لاترافق الاش=لترافق الا من خيار الرياجيل
اختر رفيقاً قلبه ابيض من الشاش=له رفقتاً ماباعها بارخض الكيل
ولايانهمته في المهمات ثم شاش=تلقى شجاعاً طيب العزم والحيل
يرسي سوات الظلع مازاحه ارشاش=يثبت ومتنه مايجي حوله الميل
قرماً يقلط في الصحن غالى الاكباش=ويقلط القعدان ويقلط الحيل
يضحك حجاجه للمسايير شواش=يفرح ليا جوه النشاما مقابيل
وان حل ذكره دوم لنعم حواش=لنه كفو ضمن الرجال الحلالحيل
ماهوب لاشاً بالتصانيع غشاش=وقلبه غشيشاً مع قلوبا مغاليل
هذاك جعله بين الاجواد ماعاش=مادام لاينفع ولابه محاصيل
مغير لاعراض المخاليق حشاش=حش المحش ليا مسكوه العماميل
وتلقاه مكلوفاً على عد الادباش=يحسب حلال الناس ويحط ويشيل
هذاك بيعه فارخص السوق ببلاش=لاصار خبلاً ينقل القال والقيل
ولاودي اسرد سيرته كلها كاش=عنه النضر يطلع على الجدي وسهيل
وصلو عدد مالاح برقاً كما فلاش= على النبي الي نهانا عن الميل

المشاركة الأصلية كتبت بواسطة العتيبي السعدي الهوازني (المشاركة 1320119) صح لسانه والله يعطيك العافية ماقصرت

المشاركة الأصلية كتبت بواسطة أخو جوزا (المشاركة 1320245) صح لســـــــانه

المشاركة الأصلية كتبت بواسطة طالب الروقي العتيبي (المشاركة 1320256) كفو وصح لساااااااااااااااااااااااااااااااااااااااااااااااا ااااااااااااااااااااااااانك