ياسلامي ردةٍ عاجله ومسرعه = من صميم السيف للي نبا نبحث خفاه
يالهذيلي لامشيت امش في دربٍ سعه = لاتجي لك مع طريقٍ يغرك منتهاه

مرحبا ترحيبة ٍ بالكريم وتقنعه = مير لا يبحث خفانا ولا نبحث وراه
كل شق ٍ يالمسولف نجي له نرقعه = أستمع للعلم ما دام غيرك قد وحاه

خلووووووووووووووووووهاااا

معك يا سيف المعاني تحوم المطمعه = والدوى موجود والموت ما نعرف دواه
أحسب حسابك معي ثم عده وأجمعه = وإن زعلت الراس صكه على حيد الصفاه

من دخل فالهوش يا ماجد اغِنْم وافرعه = ومن يهاب الموووت ربي يعوض والداه
ان حسبت احسابي النذل عندي بصفعه = مير قبل تروح مَّيز وش اسلاح العداه

من يمد أيديه يم المواجع توجعه = والطواحين المصايب طحنته مع رحاه
أحد يرفع لك سلاحه وأحد ما يرفعه = والنذل هو ما يبانا وحنّا ما نباه

كلٍ دربٍ سار فيه الهذيلي رجعه = من يمد الكف يا خذ يا صاحبنا ملاه
انت مثل الناس تبغى تسوي زعزعه = مير خل اسلاحك اليوم في داخل خباه