الضيقه الي ماتفارق صدري
 

الضيقه الي ماتفارق صدري*وش حيلتي يالغاليه شوريني
تعبت منها ضيعتلي عمري*وسئمت منها ماتفارق عيني
منها ثلاث عقود مرت مري*كنها ثلاث قرون تلعب فيني
حسبي عليها سمها بي يسري*من اوسط الهامه الى رجليني
وحسبي عليها نزلتني حدري*باسبابها حتى الهوى يوذيني
ونا لك الله واثق من عمري*وديانه الاسلام هيا ديني
مومن برب البيت مترك فجري *وماخاب رجل للصعب يدعيني
وحلم عن الجاهل واقلط عبري*وادمح لجار البيت لويوذيني
والخايبه في خافقي ماتطري*وكبح جماح النفس لو تغريني
وممدح كريه الوجه لو هو صهري*حيث ان ولد الاش مايقديني
ولو امدح الخايب بدايه شعري*العجز يمسح مكتبته يديني
وابعد ركابي عن ركاب الخكري*وشوم عن رجل يبا يرديني
وابحث عن رجال تثمن قدري*لو هم من البنغال والا صيني
وللقصيده تتمه .............
شعر سعود الجبوري العنزي
وياليت احد المشرفين ينسقها ومشكور مقدما

صح لسانك يالعنزي وكل عام وانت بخير

صح بدنك اخي محمد ومشكور على التنسيق وبيض الله وجهك

والخايبه في خافقي ماتطري / قصيدة طيبه يالجبوري صح لسانك واعتلا شانك وطيب الله فالك .

صح لسانك واعتلا شانك مليون يابطل