الشاعر فيصل العتيبي يهجو مسلسل ( ساهر الليل )
 

عبر الشاعر فيصل العتيبي من دولة الكويت عن عدم رضاه عن ماقدم في مسلسل ( ساهر الليل ) وعتبر الشاعر ان المسلسل خالف الحقيقة في تهميش دور المملكة العربية السعودية أثناء الغزو الغاشم على دولة الكويت الشقيقة وقد قدم الشاعر قصيدة عبر فيها عن شكره للملكة حكومة وشعباً ووقوفها مع الكويت فترة الاحتلال الغاشم ، الجدير بالذكر ان المسلسل اثار الكثير من الاختلافات والنقاشات في مواقع التواصل الاجتماعي بين ناقد ومتعجب لتهميش دور المملكة في سيناريو واحداث المسلسل .

القصيدة عنونها الشاعر بـ ( المملكة درع وحزام )


ياكبرها الشرهه على ساهر الليل =ليته قبل ماينتظر للسهر نام


اللي فضحنا بالقصص والتهاويل= والغى وجود المملكة وأم الاسلام


يعني ترى من باب قصه وتمثيل =مايدري ان الواقعية لها اخصام


شلة حوش واللي دعمها مهابيل= سيناريو جاهم على روس الاقلام


مافيه من بيض الحقايق تفاصيل= تفرغوا للكذب من بث الإعلام


بحثاً عن الشهرة دعاية وتطبيل= وحنا لهم حاجز على الدرب قدام


يالقهوجي لا لاتسوق الفناجيل =مادامها صارت متاهات واوهام


اما نقول الحق ونعلم الجيل= ولا بلا قهوة ولو نلبس زمام


سترك ياربي فالليال المقابيل =الناس فسقت من ورى زود الانعام


ياعرفين الحق جملة وتفصيل= فحوى الرسالة والشكر بصمة إبهام


رسالتي واليوم تحتاج توصيل =للملكة والواجهه دون الاسلام


معروفها يبقى ولا فيه تضليل= لولا السعودية غدى شعبنا أقسام


حكامها تبذل لنا الجهد والحيل= ياعنك فيها للمواقيف حكام


والشعب وافي والشكر للمشاكيل =ماقيلوا فالظل والجار ينظام


على حدود الدار غنوا مواويل= يعني بدال الخوف شيلات وأنغام


لين انتهت والحرب صارت تساهيل= هم السبب في طردة جيوش صدام


واليوم يشرح وضعنا ساهر الليل =يعطي ثنا للغرب ويرز الاعلام


لكن مسلسل والمسلسل تهاويل= والمملكة تبقى لنا درع وحزام

بيّض الله وجهه .. وسآهر الليل مسلسل ألغى جميع الحقآيق !

صح الله لسان الشاعر ويعطيه ألف عافية وبيض الله وجه وبيض الله وجهك على النقل ..

برقاء والسماء زرقاء

يامرحبا ومسهلا بالتعليق وراعيه وتسلم على ردك الوافي

ولـد الـهـيـلا

اسعدني تعليقك واتواجدك والمسلسل له العديد من السلبيات اولها طمس الحقائق

صح لسانه شاعرنا المعروف فيصل العتيبي

وشمس الحقيقه ماتغطى بغربال.

صح لسانه والحقيقة والتاريخ موجود لولا السعودية كان الكويت هلحين غاديتن في يد صدام وماخوذن امنها وشرفها وعزها

شكراً على نقل الموضوع واتنمى اذا نقل موضوع مره اخرى ذكر المصدر حفظ للحقوق

http://www.sha3rr.com/news.php?action=show&id=448

المسلسل في بدايته وباقي الحلقات ما ندري وش فيها

وبعدين حدث مثل غزو الكويت ما توفيه حلقة ولا حلقتين أبدا

لكن هذا قليل من كثير في تلك الحقبة الزمنية الماضية

امتدت الحرب ما يقارب سبعة أشهر اذا:_ثلاثين يوما لا تكفيها