مرحبـا قالهـا قلبـي شعـور وشرحتـه=الوله لـو قريتـي شعـري اول سطـوره
يارهـانٍ تحديـت الظـروف وربحـتـه=في زمانٍ علـى العشـاق ياكبـر جـوره
كم رايٍ عصيته00كـم شعـورٍ جرحتـه=في وصالك سعيت ولاسمعـت المشـوره
كم خطأ لجل وصلـك ياغناتـي دمحتـه=لين قلبك بعطفي يرتـوي مـن غـروره
كـم مـن عيـد مـر بغيبتـك مافرحتـه=يـوم كـلٍ بيـوم العيـد زايـد سـروره
شوقـي يزيـد بغيابك00حشـا ماذبحتـه=يامــلاكٍ تـغـيـب بـعــذرهـا ومـعـذوره
بعدك الدار غربـه والكـرى مااسترحتـه=اسهر الليل ليـن الـفـجـر يعـلـن ضهـوره
وان سألتي غرامي00من لبعـدك منحتـه=وان سألتي عن القلب ومصيـره وامـوره
إخذي اصدق حقيقـة والاجابـات بحتـه=من بَعَدك المشاعـر غايبـة ومحظـوره
واعرفي00قلبي لغيـرك تـرى مافتحتـه=حُرّ في كل مملك غيـر قلبـي لـ (0000)
قلت بخفي غرامي لك00ولكـن فضحتـه=دايم اسمك على شفاهي وبالعيـن صـورة
في حنانك غطست وبحر عطفـك سبحتـه=ياغرام00ارسي اليا غصت بـأعمق بحوره
لو يقولون عشقـي لـك حـرام استبحتـه=الـمـحـرّم يبـاح اذا دعــت لـه ضـروره

لو يقولون عشقي لـك حـرام استبحتـه = المحرّم يبـاح اذا دعـت لـه ضـروره