القل ما عاب الرجـال المماديـح=ولا فيه نفسٍ يا سعد مستريحـه
الدين غلاب الرجـال الطحاطيـح=والوقت يطلب والموارد شحيحـه
كله على شان الوجيه المفاليـح=من خوف لا نلبس ثياب الفضيحه
ها ما تنا مثل الطوال الملاويـح=ولاخيـر فالمترديـه والنطيحـه
يالأدمي لو ترفع الصوت وتصيح=ما تنفعك لو صحت تسعين صيحه
المرجله ياللي تبـا هبـة الريـح=من دونها وقفه وقومه وطيحـه
مداتها مثل المـزون المراويـح=تشفي كبودٍ من زمنهـا جريحـه
يتعب لها رجلٍ من الناس زحزيح=ساق القدم بسهال سبل ٍ فسيحـه
واللي يقول الفرض مثل التراويح=مثل الجهاز اللي بليـا شريحـه
والله جعل لأبواب رزقه مفاتيـح=امـا شقـى والا حيـاةٍ مريحـه
والعمر يفنى والفعايل مصابيـح=والعود ألازرق يظهر الجمر ريحه

المشاركة الأصلية كتبت بواسطة مصعب العصيمي (المشاركة 1314340) صح لسااانك رائعه

المشاركة الأصلية كتبت بواسطة سعد حميد الثبيتي (المشاركة 1314350) ثامر انت لست شاعرا فحسب بل انت مبدع في كل الاحوال لله درك على نظم هذه الدره الفريده صح الله لسانك مدد وليس عدد تقبل تقديري واعجابي بما نظمت وبماسوف تنظم ان شاء الله محاوره+نظم= الشاعر الفريد ثامر القتامي

المشاركة الأصلية كتبت بواسطة سعيد مرزوق العبد (المشاركة 1314528) الشهاده لله قصيده قمه ولا فيها عذروب مره صح السانك يامبدع