الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   فيصل الرياحي و سفر الدغيلبي وروح الجزالة (http://www.otaibah.net/m/showthread.php?t=140077)

قاسي العتيبي 27-Jul-2012 04:22 AM

فيصل الرياحي و سفر الدغيلبي وروح الجزالة
 
سفر الدغيلبي
للشعر شعار في شتى فنون الحياه .. مير الله الله ترا زين الحديث صدقه
كل ٍ عرفنا مهارة بنيه اللي بناه .. اللي بناء له قصر واللي بناء صندقة


فيصل الرياحي
الشعر نقض وفتل كل ٍ على مستواه .. وأحيان يدخل على المعنى حديث وفقه
وجّه معانيك واعرف للكلام اتجاه .. فكـّر شوي وتذكر والخيال أطلقه



سفر الدغيلبي
يازين شكلك منول ياجبال السراه .. قبل التطور يجيب جسور ٍ معلقة
القوم كل ٍ ثلم سيفه وكسـّر عصاه .. حتى لو إن الرياحي رافع ٍ مطرقه



فيصل الرياحي
هاذي صناعة حديثة بعضها مانباه .. تبقى جبال السراه وشمسها مشرقة
الوقت كله خطر مايندرى وش وراه .. علوم ٍٍ مسيـّسة وعلوم ٍ ملفقة



سفر الدغيلبي
يافيصل أدرك حياتك واخذ طوق النجاه .. هب الهوى والبحور أمواجها مغرقة
ترا الذي صار حولك يلفت الأنتباه .. ماينفع الأكل بالشوكة وبالملعقة


فيصل الرياحي
حنا جبلنا طويل وكلكم في ذراه .. الريح ماهزته والطير مايلحقه
......... خلوا الدعوى صيام وصلاه .. اللي سبق فأول الفرسان من يسبقه



سفر الدغيلبي
حنا حوال الجبال فعلاً ولكن رماه .. والخوف من صملة الرامي ومن بندقه
.................................................. .........................................


فيصل الرياحي
....... أقرب لكم لاتطمعون بسماه .. بعض البعارين جاء لعظامها طقطقة
ياكم طبيب ٍ يقول ولا يداوي دواه .. مشعوذ ٍ ماعطاه الله ولا وفقه



سفر الدغيلبي
طبق كلامك على نفسك وهاذي وصاه .. ما أظن حولك ثقه يلي فقدت الثقة
ترا الحياء طيب ٍ للوجه ويحفظ ماه .. يلي غسلتوا جلود وجيهكم بمرقة


فيصل الرياحي
يلي توصي يبا لك مخرجين وقناة .. أنا أخبرك ماتعيش ألا مع الزبرقة

مصعب العصيمي 27-Jul-2012 04:35 AM

الله يرحم الرياحي ويطول عمر سفر الدغيلبي



مشكور ياقاسي على النقل

حمدان العضياني 27-Jul-2012 07:08 AM

تسلم ياقاسي اشهدبالله انك طيب ولاتجيب الا الطيب

قاسي العتيبي 27-Jul-2012 03:00 PM

تعديل بيت سفر
حنا حوال الجبل فعلا ولكن رماه
أنا في رأس الموضوع كاتب الجبال والصحيح الجبل

قاسي العتيبي 29-Jul-2012 04:56 AM

اقتباس:

المشاركة الأصلية كتبت بواسطة مصعب العصيمي (المشاركة 1314183)
الله يرحم الرياحي ويطول عمر سفر الدغيلبي



مشكور ياقاسي على النقل

مشكور يامصعب على مرورك الكريم

سعيد مرزوق العبد 29-Jul-2012 07:42 PM

الله يرحم الحي والميت

طاروق متواضع

قاسي العتيبي 11-Aug-2012 02:38 AM

اقتباس:

المشاركة الأصلية كتبت بواسطة حمدان العضياني (المشاركة 1314213)
تسلم ياقاسي اشهدبالله انك طيب ولاتجيب الا الطيب

تسلم ياحمدان أشهد بالله إنك مطنوخ ومرورك إضافة مميزة للمحاورة المنقولة

عزارم 12-Aug-2012 05:13 AM

الله يرحمك يا فيصل



كل الشكر لك يا طيب


الساعة الآن »08:51 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd