الهيـــــــــــــلا *** منتدى قبيلة عتيبة - رد الشاعر ممدوح العطياني على قصيدة السجين طارق جهز الروقي

بسم الله الرحمن الرحيم

قصيدة السجين طارق جهز الروقي

http://www.youtube.com/watch?v=Zp2IQj-T3S4

رد الشاعر ممدوح العطياني على السجين طارق جهز الروقي

سريت مع همي وهمي سرآبي //
همٍ أصابح به وهمٍ أماسيه ..
ضيّـق علي كل الفجوج الرحابي //
ضيقه ماهي ضيقة عتاب ومشاريه ..
الله من علمٍ وصل عند بابي //
ولا فيه باب الاّ يطقه وينبيه ..
وأنا عتيبي والعتيبي اعتزابي //
والأمر سلطه ولالنا سلطةً فيه ..
أجاذب الونات من حر مابي //
مثلي مثل ماصار لآبيه وآخيه ..
كن المصاب اللي مصابه مصابي //
وكني سجين يطلب الله ويرجيه ..
ياما تزايد ضيقتي واكتئابي //
خصٍ ليا جابوا مع الناس طاريه ..
خمسة سنين في ذرى السجن غابي //
كل يوم يحسب وش بقى من لياليه ..
جالس يردد وآشقاي وعذابي //
ومن الحسوفه يفرك يديه بيديه ..
ولابد يرضى بالقدر يوم أصابي //
لو أن شيئاً صار ماهو براضيه ..
مايعرف المكتوب شيب وشبابي //
وهذي صواديف الزمان وبلاويه ..
مصيبة منها يشيب الغرابي //
ويحير معها صاحي الفكر ويتيه ..
وكم كربةٍ تفرج وكم جرح طابي //
والادمي في دبرة الله واليه ..
ياعبيد ياملجا الامور الصعابي //
وملجا الدخيل اللي زبن عن معاديه ..
فيك الأمل والخير وابليس هابي //
واللي يترجى لاتخيب رجاويه ..
العفو يحسب لك نهار الحسابي //
والعفو كم ذنبٍ عظيمٍ ويمحيه ..
تشفعك عند الله شديد العقابي //
يومٍ يفر المرء حتى من آبيه ..
مّن أحيا نفس ومحتسب للثوابي //
كان كل الخلق بيديه يحييه ..
وتكفون ياللي تتعبون الركابي //
برقا وروق اللي لهم جاه ووجيه ..
كم أعتقت من خنذفي وشبابي //
وكم صدرت علمٍ بعيد مناهيه..
قومٍ تزعزع شامخات الهضابي //
وقومٍ تسوي شي مااحدً يسويه ..
مايعتزي سيفٍ بليا نصابي //
ولافيه راي بلا مشوره وتوجيه ..
لابد نحسب لليالي حسابي //
والوقت فيه من الخطر مايكفيه ..
واللي نهاية فزعته ( وش تبابي !! ) //
يروح عني لايجيني ولا آجيه ..

.