ياغافل اصح الموت يحصد بالاجيال=مالك ترا عقب العمر عمـر ثانـي
اخشع لمن يخشع له صخور وجبال=وشلون عاد رقاق بيـض المحانـي
لوتحسب ايام العمر والعمـر طـال=تراك في عمر الزمن لـك ثوانـي
احسب حسابك واغتنم قـوة الحـال=اعرف ترى عمرك مع المال فانـي
قارون ماسره كثر جمـع الامـوال=وفرعـون مافكـه شديـد المبانـي
لجل كذا لاتشغلك بعـض الامـال=عن ربك اللي فـي يديـه الامانـي
اللي معه رزق الخلايـق والاجـال=مقـدر الـرزق بزمـان ومكانـي
لوتحسب ايام العمر والعمـر طـال=تراك في عمـرك مجـرد ثوانـي