ياوين ابوفايح مع عيال ذايب =محمد وغالب عجيبين الأقوال
قول يقولونه يجمل وصايب=مابه تعصب مع آل وضد آل
يدورون الصدق وقت الطلايب=لو كان يزعل عايل خاطره عال
غابوا ومعهم كل الابداع غايب=وفي اقبالهم الابداع تلقاله اقبال
من غير تقصير في باقي الحبايب=لكن ذالا قدرهم في الحشا عال

المشاركة الأصلية كتبت بواسطة غالب الذيابي (المشاركة 1310788) : : : : : والله وسبعة انعام يا بو ناصر .. وابشر بالرد الليلة ان شاء الله وبيكون مستقل عن الموضوع.. وانت راع الاوله وراع الاوله ماينلحق.. والعذر ترا ما دخلت الا الليلة..

المشاركة الأصلية كتبت بواسطة محمد ناصر الأكلبي (المشاركة 1310792) أرحب أرحب يابوسلمان حيا الله ذا الطلة وين الغيبات والله لوداري قصدت من أول الأيام علشان تجي وأنا ما قصدت إلا من صدق احساس بغيبتكم ونتحراك تجيب محمد (ابوعساف ) وتنورون المنتدى بمشاركاتكم وقصايدكم الي نتمتع بها

ابقاك الله يابو ناصر.. والله ماهوب على كيفنا الابتعاد .. دنيا تخلي كامل العقل مجنون . على قول ابن شلاح المطيري:

دنياً تقافت وانتهـت يـا شليـــويـح=ما عاد تصلـح للوجيـه الفليحــــه
دنيا بحر والنـاس فيهـا سبابيـــــح=ومن طاح ما هم ابن عمه مطيحه
أحدٍ يجاهدها يبـي هبـة الريــــــــح=ما هو مدور من وراهـا مديـحـــه
معطي طريق الطيب ويقوم ويطيح=يبغى الجماله واليلالـي شحيـحــــه