دق هاجــوس القصيد و حان حينه = حان حينه و حتمى يحداه حادي
هاجسي مطنوخه و عظودي متينه = وأن قدح يقدح زناده من زنادي
كل ربيعي في المواقف خـــابرينه = خابرينه كل ما نادى المنــــادي
يقطف الجزلات ويسوق الثمينه = ما يــدودي يا مليمــت الــدوادي
و العشيه جات من بيني وبينه = اللزوم يخصــني و المـاد مادي
أن تعذر خابرٍ زينه و شينه = يكفيَن الأولات أعن الجدادي
وأن تزهل جابها جزلاً سمينه = كل ما جات الهزال أمن الربادي
يا نديب الطيب وين الجيب وينه = وأنت وينك يا سعد من جاك بادي
ما بدعت القاف أبي لي منك دينه = أنت لاجت للعطا دايم تفادي
ولا شكيت أمن الزمن جوره و لينه = باذلٍ له كل جهدي و جتهادي
أنطح الماجوب وأهلي محتمينه = من على وقت المسامه و الشدادي
نارنا توظي وحربتنا سنينه = وأن تنومس بالصباح و بالهجادي
من على جدي صنت يوم الظغينه = ننطل الخيال من ظهر الجوادي
دق سلف الجيب و ألعن والدينه = أحشره حشر الموده للفؤادي
لا تلد العين في زيت المكينه = أحشره لو يصبح الشكمان غادي
مع عزاز الأرض ولا مع بطينه = أجلده ما عاد في النفس أجتلادي
ما يظره نعنبوهم صانعينه = محتسينه للزفلت و للحمادي
و نحره عودٍ عسى تبطي سنينه = زاد بالتقدير و الجزلات زادي
وأن وصلت الجيب لا تنسى حنينه = لق به يمة ذعاذيع البرادي
و سلمه مظروف خطي في يمينه = وقل طلآل يقول يا سقم المعادي
مستعد أسلمه عيني بعينه = بس يفزع لي على غاية مرادي