طاروق رائع بين ممدوح العطياني وعاضه المرزوقي
 

طاروق رائع بين ممدوح العطياني وعاضه المرزوقي



ممدوح العطياني

يامرحبا في حفل ربعي كبار البخوت = اللي تنومس فعايلها ووقفاتها
البرق يبرق من المنشا وسيله نحوت = والله يستر على احيا الناس وأمواتها

عاضه المرزوقي

دام البقا يارجال ً ذكركم مايموت = وأهل الحركات تكشفها حركاتها
دنياك هذي تفصل للحضارم بشوت = قامت تعاقب دقايقها وساعاتها

ممدوح العطياني

ياعاضه مايتبع العاقل كلام الشموت = لاتتبع الناس حاسدها وشماتها
صوت الحقيقه يبا يغلب على كل صوت = يامدعي بالحقايق عطني أثباتها

عاضه المرزوقي

أمّا تطورت ولاشاتك الوقت شوت = وانا وصلت الكواكب في مجراتها
أنت متعني تبالك كنز في بطن حوت = والناس تتهمك حتى في صلواتها

ممدوح العطياني

أنت في وجهك علامه من عجاج الخبوت = لابارك الله في ديره عشت مثناتها
الوقت يلعب بخلق الله لعب البيلوت = لكن لاشفتوا عتيبه سووا اسوواتها

عاضه المرزوقي

أنا ليا احرقت كرت أرضى على أربع كروت = ولا أنت خابرك دايم ودها هاتها
الثانيه فايته والاوله ماتفوت = والثالثه في الدقون وفي شنباتها

ممدوح العطياني
حاولت أبا أعدلك ولياك صدق معفوت = قلوب خلق الله ماتدري بنياتها
أثرك مع العجه تناصي كبار الفروت = والظاهر نهايتك تحت كفراتها












,

الله الله


عاضه المرزوقي

أمّا تطورت ولاشاتك الوقت شوت = وانا وصلت الكواكب في مجراتها

ممدوح العطياني

أنت في وجهك علامه من عجاج الخبوت = لابارك الله في ديره عشت مثناتها



صح السنتهم شعراء مبدعين

طاروق رائع وصح السنتهم

حاولت أبا أعدلك ولياك صدق معفوت = قلوب خلق الله ماتدري بنياتها
أثرك مع العجه تناصي كبار الفروت = والظاهر نهايتك تحت كفراتها



ياسلام على قمة الإبداع الشعري,بيتين توحي إن وراها شاعر مصيبه والمستقبل قدامه
صح لسان الشاعرين وبيض الله وجهك على النقل يابو عاتق

شكرا للجميع على مرورهم