لله درك يا بـريـد تـجــيــنـي = عقب البطا بخطاب من زاك الانساب
تحيي عهود الوصل بينه وبيني = تجيب منه خطاب وتودي خطاب
لو شـفـتـنـا بالـدار متـباعـديني = مـساكـننا شـتان وقلـوبنا اصـحاب
وقبل نديمي بالخطاب يغزيني = وانا مريح وصيد الأفكار غياب
وعقب استلمت رسالته في يديني=انباج في صدري من الشوق دولاب
وناديت بأعلى الصوت للغايبيني = ولا مـنهـم اللـي سـمع الـندى جاب
واخذت أنا وعيـونهن ليلـتـيني = ما امرح وباقي فالسماء نجم ماغاب
ولـيا نصـبـت لقـيادتـهن كـمـيني =هــجن وراهـن مد الاشواف هراب
وعيـت قـرايـعهـن بدينـي تديني= مهما بعثت لشرد الصـيد الأطـلاب
وصبرت أبي تايح فرصهن تحيني= ووردن علـيـه عـقـب مـاهـن هياب
وصارت قساوة روسهن لي تليني= وعقب المداعب صارن اطواع دراب
واخترت منهن للضيوف السميني = وخليـت عني هزلهن يعـطـي الـبـاب
كـلـه رضـاً لـلـي جـوابـه ثـمـيني =ابــو حـمـود الـلـي مـعـنـيـه ثـلاب
يشكي عذاب مورد الشفتيني = وهذاك يامحمد بلا ابـوك يـاعـقـاب
كانك من الفرقا تجر الونيني= جري لـونـاتـي مـن الـعـام مـاثاب
لاجاك غرون يعجب الناضريني = ماله شبيه إلا مـن الـعـُرب الأتراب
نبنوب جسمه مثل عود الرديني = بول صـبـاه يـداعـبـه كـل خـنـيـاب
غصنٍ عـلـوه فـيـه تـفاحتيني= نواضـج مـاكـولـهـن تـو مـاطـاب
ووصايف المبسم والوجنتيني= ضدين ثلج ونار من غير شباب
وعلى مدى ماهنب متجاوريني =لانارهن تطفي ولا ثـلـجـهــن ذاب
وعينين حوروين مدعوجتيني= سلهامهن واغضايهن يسب الالباب
يخشى ليا سلهم بهن بالهويني= نار الوجن تحرق مضاليل الاهداب
لاشافه ابو حمود شوفٍ يقيني= كـنـه يـحـش عـروق قـلـبـه بمشذاب
مير احتداه اللي يبي يحتديني= شيب النواصي علـةٍ مـالـهـا اطـبـاب
وان يالغزلي تبي ترتضيني= بينك حـكـمت وبـين وضاح الانياب
من كان فوق التسع والأربعيني= ماله ورى هيف السراجيف مطلاب

صح بدنك وشكرا على المرور

(مرزوق العتيبي)

صح بدنك وشكرا على المرور